慈善 Doga Class

瑜伽運動早已十分普及，但有想過和家中愛犬一起做瑜伽嗎？

早前Snowball & Co為終身庇護動物協會(Lifelong  Animal Protection Charity) 

舉辦了一堂doga課，當日收益撥捐LAP幫助他們拯救的被遺棄動物．

  雖然我從未學習瑜伽，但在資深瑜伽導師 Suzette 的帶領下，

也能輕易掌握基本的動作，並與狗狗擺出不同的瑜伽姿勢，

看著狗狗陶醉在輕柔的按摩下，讓我們舒展筋骨之餘，更能增進與狗狗的親子關係．

很高興能夠親身體會做瑜伽的樂趣，並且能幫助被遺棄的動物，

讓我和狗狗一同渡過愉快又有意義的一天． 

後面果個係我，抱住8kg的圓丸，勁嗎？

ｅ招叫“滾地葫蘆”

阿丸：“阿媽，你今日搞邊科？”

做完doga，仲可以o係樓下附設café飲杯tea食件cake添! 

(肥番晒!)

Thai Food @文娛中心

自從去過去熟食中心果檔thai food後，
我真係好like，今次探完老豆，拉大隊又去左食番餐．

唔好睇佢大排檔格局，好多識飲識食o既人都會搵到黎食．

超大件o既烤雞

連蠔餅o既蠔都大大隻

炒菜

烤魚 (超正!)

皮蛋原來可以咁樣食

食到捧住個肚，埋單都只係三百多，超級抵食!

所以唔好餐餐去果ｄ連鎖食肆，

周圍逛下，總會發掘到一些出色的食店，

食出好味之餘，亦同店主建立友好關係，

 E D 就正係本土人情味！

久違了的河貝

好耐無去探貝叔叔喇~

今日拉大隊入去比個surprise 佢先得．

祝貝叔叔身體健康，龍馬精神．

行完水塘，就緊係開餐啦女 菜式一如以往的好，
仲特別為我地整左九層糕添！

無所不能o既本人，當晚出外食飯，
我仲竟然用 d 9 層糕換左椰汁桂花糕添．

丸：“媽媽，你咁都得? ”

與敵同眠

由於蝸居地方非常有限，阿丸同巨貓經常會“狹路相逢”．

留意下面5格“漫畫”，阿丸表情好搞笑．

最安慰就係見到佢地相安無事一齊 zzzZZZ

丸巢貓佔

除左玩之外，巨貓對瞓亦好有要求架．

最近佢就睇中左 e 張3角床

其實張床係妹頭年代o既遺物 (所以係粉紅色)，

但每位來我家暫住的小朋友(moon moon, belle, happy, sasha …)，

都特別中意瞓e張床，可惜 e 個款已經買唔番喇．

阿丸中意non住頭仔瞓

巨貓本來都正正經經

熟左之後睡姿就越來越 ...

... 騎呢

搞到阿丸都怕鬼左佢，寧願去瞓人家捐比狗場的2手床．

後記: 2張床仔今年都已經去左堆填區 

3角床比happy賴尿整濕左，用左幾年，亦係退休的時候了．
至於張2手床就比巨貓嘔污糟，而壯烈犧牲!

玩物喪志

好耐無同大家分享下巨貓ｏ既近況ｏ勒
如果巨貓係一個人，想必是一個沉迷打機的宅男．

睇書教話耐唔耐最好同貓貓換下玩具，刺激下佢地思考 & 增加生活樂趣．

由於巨貓只對掘鼠遊戲有興趣，所以搜尋左ｅ款玩具比佢玩．

早前巨貓就係沉迷ｅ一款玩具

我見佢日夜玩到嘭嘭聲，樂此不疲，

所以朝早想收起個玩具等佢瞓番下，點知個衰仔成隻坐上去唔比我拎開．

總之佢一見我行埋去就飛身壓住，比佢激屎．

至於個新玩具呢，一拆盒巨貓就玩到癲．

直情超愛，當佢係寶．

食飽就攬住個寶貝玩具教教豬 zzzZZZ

至於隻飛鳥玩具係義賣網的朋友送比佢ｏ既，佢一向對ｅ類型玩具興趣不大，
但可能無玩伴， 所以有時都見佢模仿狩獵，自己玩到傻．