重陽登GO遊記

重陽節媽媽約埋班朋友仔一齊去水塘登

先黎一幅大合照！

天氣涼快，超爽！

阿丸同 sasha 有時都幾合拍架

但 sasha 對滔氏鬆de更有好感，全程都痴住．

睇到阿丸眼都冤

本來個多小時的路程，我地行足3.5小時，無他o既，

因為我地所到之處都變成"景點"．

遊人一個接一個要求同狗狗合照，下次要收廿蚊張，

用黎幫補阿丸o既糧餉先得！



貓犬通訊 (10月號) -- 中秋佳節慶臀圓

各位:

我E幾日會做"備份”

到時 yahoo 就會封blog 架喇

有咩請大家 email 比我啦 (jcheung825@yahoo.com.hk)

因為我仲未識用 blogspot 呀~

後會有期 !!!

廸士尼黑色世界 -- "好玩, 唔好叫!" (2)

玩完迷離莊園出番黎, 個天都已經黑晒!

咁多個樂園之中, 我最中意 “Toy Story”,
但今次竟然無人去排機動遊戲, 個個反而掛住去影相!

影完相, 途經探險世界, 我地排隊玩河流之旅, e個都係我favor, 
日頭玩同夜晚玩, 感覺完全唔同架．

坐完船仔已接近煙花匯演時間, 不過我地仲去玩埋”巴斯光年”．
好少可唔洗排, 可能d人走晒去睇煙花．

一出黎就見到放煙花
[ 部相機已經較左 firework mode, 但效果都唔係好掂 ]

睇完煙花, 大家都有d肚餓, 打算出去青衣城醫肚．

經過怪獸大學, 入面其實係無野玩o既, 只係比你影下相．

然後就打道回府lu~

(失圖)

廸士尼黑色世界 -- "好玩, 唔好叫!" (1)

我唔係好明點解廸士尼今年哈囉喂個 slogan 叫 “好玩，唔好叫”!
不過既然係公司包場門票，就唔使理咁多，玩左先算!

熟口熟面的入口噴泉

以及城堡

經過舊年前年的教訓，今年一入場就攻左間鬼屋先．
又係果間詭墳學院，上年已經玩過，所以有D失望．

跟手即刻去"迷離莊園", 因為新開, 我未玩過．

E間大宅係一位探險家享利所建，目的係想將佢o既收藏品公開比大家欣賞．

另一位主角係佢o既寵物阿拔，阿拔打開左音樂盒，就會帶我地進入3D世界．

其實真係比佢轉到我頭都暈

但有D 效果都幾精彩，例如：

大家記得留意E幅畫像，第1次我睇唔到佢變，玩第2次先見到．

無錯，我地係玩左2次，因為被報章誤導，以為佢有7條route．
去睇7個唔同的場景，但我估意思應該係有7間房而已．
不過我地2次都坐唔同位，所以感受都唔同．

阿拔關上音樂盒，就係時候bye bye 喇 ~

"動物朋友"義賣日 (後記: 感激幫忙設計2012及13月曆的朋友!)

籌備左成個月，終於到義賣日喇!!!

開檔！！！

大部份都係DIY貨
有blog友捐出的手工皂, 以及老師捐出的DIY手挽袋．
當然仲有本人品牌 “撞手神”系列 之 口金包, 書簽, 飾物, …

多謝 recycle for good 的谷友幫我 set 好個檔  (仲睇埋檔添 )

因為我係一個不稱職的檔主, 顧住影相 及 去左 shopping．

到場o既善長好有眼光, 幫襯左唔少,
亦有專程來捧場的朋友, 多謝晒你地!!!
義賣會期間有分享會, 令大家對 '動物朋友' 的義務服務有更多認識,
以及簡報來年的目標.

這是負責設計2014年月曆的幾位本地 designer

今年的月曆由幾位本地designer設計, 我一向好十卜本地創作,
希望大家亦多多支持!!!