yahoo 個 blog 終於都執笠喇~

yahoo 終於都捱唔住喇

雖然大家已經唔再寫blog / 睇blog，但好多友情都係由 blog 開始，

然後經blog 內的留言一點一滴地累積，令我十分珍惜．

但對電腦完全白痴的我，唔知道再可以o係邊度落腳，

或許後會無期了．

請大家留 email address 給我，讓我日後和大家有個聯絡方法．

如各位知道那裡有平台可以給我落腳，也請告之, 謝謝．

最捨不得的是這裡有好多我同 cookie & 妹頭的回憶，

我要快 d 搵辦法 save 番 d 舊 blog 先得 !!!

公佈業績@松家

自從7月開始在 recycle for good2 的網上平台義賣，短短個多月已經籌到超過$12K，
實在可喜可賀 (party)為左慶祝我地網上義賣業務破萬，
所以又承機出黎擦番餐!

松家係近期心水之選，有好o野就要叫埋班大食積!

祝我地繼續貨如輪轉, 業務蒸蒸日上, 乾杯!!!

(實不相瞞, 我家已被我連日搜刮, 現已家空物淨, 睇怕遲下要連底底都賣埋！） 

率先上檯當然係刺生啦

當我密密食緊刺生時，其他熟食陸續登場．
有:  麻辣雞腎

羊鞍 (我只係睇下咋!)

牛仔骨

椒鹽海蝦

e 碟唔知叫咩名, 只知係肥牛卷住d 蔥段．

牛舌 ( e 個無食)

泰式鳳爪 (e 個黎左2次我都無食)

原因係我要"按部就班"，想食左d 生o野先食熟野．
[ 而事實證明我 e 個策略係非常之 work
當大家飽到上心口時, 我仲仍然有食力, 
再叫左幾件火炙壽司都食得落.]

第一啖熟食就係炸蠔, 其實我本身怕腥唔食蠔．
但眾人話 d 蠔好得, 所以食1件試下, 又真係好肥美bor~

腐皮卷都唔錯

魚柳

青口都無試呀, 又係因為怕腥~

豬頸肉

成晚都無人叫手卷, 話怕d 飯飽肚．
反而我就叫左海膽手卷 & 軟殼蟹手卷

天婦羅d 炸漿太厚, d 蝦又不及椒鹽海蝦好食．

見大家開始飽飽滯滯, 就叫 d 清淡款式．

炒雜菜

蟹子沙律

一口豆腐

終於到我o既至愛 -- 火灸壽司出場
和牛, 三文魚, 鰻魚 -- 3款都好好食

仲有珊珊遲來的三文魚頭

突然有人又在落單紙上係咁剔
再番兜刺生

仲有e個肥牛蔥卷

仲有泰式鳳爪 (不過好奇怪, 鳳爪黎左2次, 唔知點解我都無食．)

(失圖)

有人在 last order 前再叫了壽司 & 菇菇 (我無影d 菇)

e 個一啖封喉的芝士年糕, 我從來都唔食架!

最後當然係芝麻 & 綠茶雪糕
( 原來紅豆味都OK, 唔太甜, 下次可以試下)

高達大鬧銅鑼灣

粉絲們都知高達暑假黎左時代廣場，
估唔到成2層樓咁高，好宏偉！

趁暑假未完，帶左姪仔去睇下．

好多人在Ｇ/F排隊影合照，但上1/F就唔使排．

今日件衫撞左色添

無有怕，同紅XX影就sharp番晒．

影完相就去食拉麵

跟手同婆婆去筲箕灣拎回鄉咭

晚上慶生飯局，好忙碌的1天! 

家族飯局@金源

如果唔嫌"屈質"，要你食完即刻交檯，金源真係好正，
不過就真係每次都食到趕頭趕命!

招牌菜 "山東燒雞"

今次試下食蟹，蟹拑 d 肉滿潟咁滯．

仲有扇貝，都係大大粒架．

e 味係近期必食的

粟米斑塊送飯一流

朋友推介"藕餅' 好味!!!

老闆娘每次都會送甜品，記睇試下佢地o既南瓜露 或 豆腐花!!!

點解我番左公司矛人o既?

1:45 改掛轉3號，我 2:50pm 前到公司，

但點解成公司黑 mon mon o既???

!_!

慶生放題@松家

日式放題我試左好多間，e間係近期心水之選，原因請睇下面的"食店評分"．

三文魚係我至愛，睇下佢地真係片片厚切架!!!

到壽司

火炙三文魚唔夠燶

但和牛就 值得推介
(失圖)

朋友叫左手卷 & 加洲卷，一出黎個presentation 都嚇左一跳．

清清地，叫ｄ冷盤．

& 蔬菜

今次只叫左1次炸物，唔係唔好食，而係食物款式太多，想試多ｄ其他野．

熱盤：雞軟骨餃子

牛仔骨

唔知咩牛卷

聽講係牛舌

燒三文魚頭

炸芝士波　＆　雞翼

羊架，我戒左羊，所以無食．

蒜蓉蝦

墨魚仔

豆腐　＆　腐皮卷

好多料的麵豉湯

連粥　＆　烏冬都有

來一客雪糕作為飽滿的總結

食店評分：

環境 x 4：位於中環寫字樓區, 岩晒日日在中上環出沒的我, 

  每檯都係卡位, 唔會比陌生人鴿到我的為食樣．

服務 x 4 : 服務員唔係d妹妹仔, 係好似我e亭勤快的大嬸, 所以份外有親切感．

而且換碟換得好密, 唔會食到成碟骨都無人理．

食物 x 4: 款式多, 出菜快, 唔漏單, 食物味道亦唔錯．

 三文魚刺生係真真正正的厚切! 綠茶雪糕都好食!

仲有一點我懷疑佢地個廚係讀過 art 的

 因為食物上檯的 presentation 好睇得下!

價錢 x 4:   唔同時段, 唔同價錢, 而且時不時都會有團購．

不過我地係用85折coupon, 埋單約$200鬆d, 算抵食!

意見:   美中不足係 e 度食刺生無薑片架

    仲有, 我平時係唔開冷氣, 但連我食食下都覺熱, 即係 e度冷氣嚴重不足, 希望會改善下．