我迷茫了 ~

首先，多謝大家對黃貓的關心．

這幾天很多朋友查問牠的情況，我們跟大家一樣都希望黃貓能盡快入屋，
但每次都功敗垂成．

黃貓很痴人，我們在公園時牠都跟在附近，
有時甚至躺在腳邊，但一想抱起便反抗．
見飛機籠，戒備心就更強，這都是我們始料未及的．

後來借來捕貓籠，但嗜食的牠竟然連食物的誘惑都抗拒，
而且更開始與餵貓姨姨保持距離，我們不想破壞他們的互信關係，

所以不敢勉強行動．

我開始懷疑到底牠是否已習慣(甚至享受)現時的自由生活，
寧願做一隻自由自在的公園貓，都不願入屋做隻寵物貓呢？

我看過一本書，內容說人類要尊重貓貓的選擇．
牠喜歡來，便讓牠來，牠要走了，便由牠走．
我們是否應順其自然，讓黃貓去決定自己的將來呢？

我迷茫了　～ 

＊多謝餵貓姨姨及朋友的幫助，每晚邊滴汗邊餵蚊，全是為了黃貓的將來，

我們會繼續嘗試，希望黃貓乖乖入屋，免受日曬雨淋，但牠能否成為陳家的小王子，

就只能看他們的緣份了！  

＊更感激領養者的體諒，她從不給我們壓力，只是默默等待著好消息，

並且告訴我們她家的大門隨時為黃貓（已取名'寶寶'）而開．[未入門已經鍚到燶!]

黃貓貓，你抬頭想什麼呢？

請你不必再猶豫，幸福大門已為你打開．

只要你願意，幸福就在你面前！

黃貓有家了 ... (勿太早讚好)

多謝大家對黃貓貓的關心，上周末和領養者去跟黃貓相親，
領養者被黃貓貓天真的性格，優雅的舉止，… 深深吸引，
結果不用我說，大家都猜到吧！

~   黃貓有家了！ 他很快便會成為陳家的小王子！  ~

黃貓很痴餵貓姨姨，走到那裡便跟到那裡．

領養者溫柔地輕摸貓貓，此刻便撻著．

代黃貓貓多謝大家關心，多謝餵貓姨姨的照顧，

多謝blog友，網友的幫助．

多謝仗義幫忙暫養的瑪氏伉儷，

多謝領養者的愛心，以後黃貓貓就拜託你喇～

福氣黃貓尋家

在我周圍搵捲尾貓時，得悉朋友家附近的公園出現了隻大黃貓，
佢好痴人，性格穩定又唔驚狗，估計是被人遺棄在公園內；
無奈是朋友/街坊都無法收養，唯一能做的是帶貓貓去絕育，然後放回公園．

黃貓好乖，連食野都好斯文，毛色和花紋亦很漂亮，最辣手就是牠太過親人，

不知世間險惡，大家都希望為黃貓找個安穩的家．

如果你或親戚朋友想領養貓貓，請考慮下黃貓，

領養就等如救命，功德無量！

安靜，乖巧，神態自若．

漂亮的毛色及花紋 

黃貓貓是男生，大約3-4歲，健康良好！

你會是惜福的有緣人嗎？

  

有興趣領養的朋友，請留聯絡電話至 jcheung825@yahoo.com.hk 

[領養者必須年滿21歲，出示身份證，家中安窗網 及 提供住址證明，並接受家訪．謝謝! ]

寵物嘉年華

話說今日o係信德中心隔離的狗公園有個'寵物嘉年華'，
身為街坊，又見LAP有份，所以落去捧下場．不過今日天氣認真麻麻，
加上宣傳不足，所以場面都幾冷清．

我見落完雨又無太陽，於是就帶埋阿丸去八下，我地去到時，

參加扮野比賽的狗狗已經上台介紹過，大家等緊頒獎，

不過我環顧現場都唔夠10隻狗，好明顯都知邊隻會勝出．

好似香江小姐選尾一樣，個冠軍唔知走左去邊．
(失圖)

亞軍同季軍就面左左，如果係真人版，Ｄ娛記又會大造文章．

個人心水係 -- 史立沙警長

佢真係樣樣齊備，警桾，哨子，手鎗，右面仲有對孖葉添架，
不過後來佢只得季軍．

Ｅ個小朋友係亞軍，但我睇唔明佢想扮咩．

冠軍係lolita貴婦

其實妹頭N年前都曾經以Lolita o既造型參加過比賽
我仲記得當年o既評判係 黃德斌 & '馬壯'
妹頭雖然無得獎，但都比蘋果登左個大頭 (有紙為證架)!

e 位 lolita 貴婦想同圓丸做朋友

圓丸反而扮cool，用個pat pat 得住人．

頒完獎，影完相，晏少少仲有抽獎環節，不過圓丸非常唔耐煩，
所以我地就番歸了．
好彩早走一步，番到屋企，又落起大雨．

希望搞手下次活動揀秋冬季節，一來天氣穩定Ｄ，二來人狗都玩得Ｃ服Ｄ．

永樂市場布藝口金包

為左唔好辜負我早前專程到永樂市場買的布料，
今天的起心肝開工！

淺紫色那塊跟我前年在冬季購物日買的材料包一樣

我做了1個散子包 & 1個放小物件的長型口金包 

另一塊貓貓布料則是朋友揀的

我還給貓貓 + 了個小鈴鐺

圓丸遊農莊

今年端午唔落水，改為去落田!!!   仲帶埋圓丸去學做農夫！

<<  注意:  為免農作物被'摧殘'，因此 謝絕狗狗進場，

只是圓丸有特別通行証才可酌情內進，請大家見諒 ! >> 

近入口的是韮菜，跟我們平時在菜市場見到的不同．
(失圖)

悉心栽培，等待下土的各種菜苗．

忘記了這種菜的名稱，只有統稱為沙律菜．

這種叫"潺'菜，但我好似未食過．

檸檬樹原來好矮，但好多果實，檸檬葉也可以用來作菜或調味．

講解途中，屎丸無啦啦走左落田．

仲差Ｄ踩爛Ｄ蔥

所以被稻草人追殺 (逃命中)

到了午飯時間，今天的餸菜由大姐主理（所有蔬菜都是農場的產品）．

先來紅菜頭甘筍茄子湯（湯渣可以給圓丸吃）

沙律菜 (伴芝麻醬)

清炒通菜

豆腐

為遷就我們這班城市食肉獸，餐單還加入了：

九重塔炒蜆

煎豬柳

薄荷魚肉卷蛋

還有豆腐蒸肉碎, 客家炒米線, ...

圓丸在檯底等吃湯渣（紅菜頭甘筍）

吃飽便繼續參觀農場的Phase 2 & 3

圓丸身邊的是九重塔 (常在越南菜出現)

正常的茄子

白茄子

鄰居種的怪花，葉上有紅白灰的點點．

粟米田


剛收割的甘筍

要一嘗耕種的滋味，隔壁有耕地出租． 

這是今天的戰利品，紅莧菜及紅皮黃肉的番薯．

丸：”阿媽，唔該即刻烚條比我食”
（烚熟後可以連皮食，超甜，好有番薯味）

＜　＜　　　圓　丸　要　抖　暑　喇　~　　＞  ＞

後註:  以往的端午節都是熱辣辣的，今年竟然出奇地清涼，

有人說應發生而沒有發生是種不祥之兆，something is going to happen!