多謝義工幫忙，為捲尾貓在本周末的領養日預留了位．
我計劃先把貓貓安置我家，到周末便帶她去碰碰運氣．
可惜我昨晚等個多鐘仍未見貓貓的影子，而今早亦不見她出現，心中有點擔心．
是我來得太晚嗎? 還是有好心人比我更早一步 ?
請大家為捲尾貓祈禱，我今晚及星期六朝都會繼續守候的～
各位唔好意思，我個遊記要借歪!
因為我回港後，第2朝見到有隻新貓在我家附近的橫巷，
佢一見人就會主動走埋腳邊hi來hi去；如是者，我朝朝經過橫巷佢都走埋黎．
經我明查暗訪後(其實係撞到餵貓姐姐)，原來貓貓只有幾個月大，
最近在對面公園出現，但因為佢同果邊d貓唔夾(但唔知點唔夾法)，
所以絕育後就放左過黎我e邊橫巷．
我見隻貓真係好親人，連我咁驚貓都可以摸到，
所以今朝帶圓丸落街時，順便幫佢影相，希望可以為他找到有緣人
(雖然係好渺茫，但試都唔試就更加無望！)
佢一見我行入橫巷就主動行近
眼神堅定，很有自信，其實只是個未滿周歲不知世間險惡的小毛孩．
坐在人家的大廈入口，鐵閘反映到屎丸，哈！
佢好痴人，可以任摸．
因為佢痴得太埋好難影，我先帶番阿丸上樓再帶埋d 貓糧去搵佢，
佢又係一見到我就走埋黎，但佢唔吼我D糧 lor!
佢性格活潑，有好奇心，貪玩，我見佢在橫巷，又追烏蠅，
又琴上琴落，仲走出馬路! (附近有海味舖好多大貨車上落貨，所以都幾危險架！)
佢唔驚人唔驚狗，夠膽行埋圓丸度，仲會反肚添，但摸摸下會突然起爪撩人玩，
但養貓的人應該唔會介意．
小朋友的好奇心很強，明明坐定定比我影相，突然又玩爬樹．
又琴上琴落，仲走出馬路! (附近有海味舖好多大貨車上落貨，所以都幾危險架！)
佢唔驚人唔驚狗，夠膽行埋圓丸度，仲會反肚添，但摸摸下會突然起爪撩人玩，
但養貓的人應該唔會介意．
小朋友的好奇心很強，明明坐定定比我影相，突然又玩爬樹．
仲o係牆角同電單車尾抓痕
o拿~ 佢見到我mou 低影相，又會借 d 椅痴埋黎架o勒．
至驚係佢衝出馬路咋
佢體型就比較細粒，偏瘦，特徵係捲尾，
背上有3行黑毛特別長&有光澤，好unique好靚架!
佢背上o既 pattern，黑色毛毛部份係長 D同有光澤，好特別架．
貓貓 : " 望咩呀? mou 街都要注重儀容，未見過人洗腳趾呀？"
(失圖)
捲尾貓未夠1歲，真係唔忍心佢一世在充滿危機的街上渡過．
如果你或你朋友正想養貓，請比個機會考慮下佢，佢會係你愉快的根源．
有興趣領養的朋友，請留聯絡電話至 jcheung825@yahoo.com.hk
[領養者必須年滿21歲, 出示身份證 及 住址證明,並接受家訪 (必須安裝窗網). ]
