盆滿缽滿迎新歲2013 (i)

時間過得飛快，又到左送龍迎蛇o既時候，
亦即係我地又有藉口出黎食番餐．

如往年，我地在大棠嘆圍村盆菜，今年除左溫馨絲苗靚飯之外，

仲有人帶齊爐具打邊爐助慶，話當埋團年咁話！ 

多謝bibe媽送來的蛋糕，竟然有我個爛鬼blog名，席間有人問成立幾多周年，

我話從來無計，因為諗住隨時執笠．

個cake同本人一樣，正面側面都咁美觀．

仲好有內涵添！

歌后炮製的狗狗盆菜，食到狗狗舔舔脷．

身為校監當然要好好睇住個場（包括保護個cake）

 連影大合照時都唔比任何生物接近個cake (E牙中)

阿豆首當其衝，被圓丸教訓．

對越坐越埋的阿吉更加唔順超

終於忍唔住要吠爆佢

個屎樣非常激動

要抱番佢去前排，先正正經經影到幅大合照．

熱辣辣盆菜送到 !!!

仲有溫暖牌C苗靚飯

不但有自耕油麥菜，更有彈牙魚蛋&帶子．

祝願新年各位豐衣足食，更上一層樓！

圓丸又有新目標，就係看守住個電飯煲．

一位食慣嘆慣人士，仲準備埋消滯靚茶．

一盆滿滿的盆菜，兩三下手腳就被殲滅左，最後連個盆都比人立埋．

眼見連渣都無，圓丸眼淚盈眶．

既然無得食，都係眠一眠好過．

．　．　．Part 2

順豐順水 --上環篇

對風水，星座，… 一向興趣不大，
星期日偶爾看到‘順豐順水’節目，剛好介紹上環區，
節目並非單一講風水命理，仲有故仔聽．

最驚人發現係我家所在從前叫 -- 墳墓街，怪不得就算夏天行到滿身大汗，

一轉入內街，便覺得清清涼涼，難道是陰風陣陣(nail biting)

先由樓梯街開始，這是添記老闆的書法，添記本是做眼鏡的，

並且是全港唯一人手製造，電視都有介紹過架，賣書法只為幫補日漸式微的手工眼鏡，

添叔自力更新的精神很值得年青人學習．

＊現今社會趨勢，令年青人失去自生能力，成為伸手派，吃老族，

看見未來的社會棟樑漸漸向下流，只能說一句：our city is dying !

添記眼鏡 

摩羅街

擺賣的攤檔

老香港的照片

唱機

天文望遠鏡？

不少遊客在當中尋寶

Felt wool 小企鵝

早前去過2個手工市集，見人家的創意與心思，
不禁又令我手癢癢．

咁岩有人落order，即管試試，創意我就欠奉，但整隻小企鵝應該難唔到我．

本來有成set材料包，不過我最後都係散買，一來顏色可以自己揀，

二來材料包做出來太大隻，我中意的的骰骰，可愛Ｄ又容易擺放．

＊其實仲差條頸布未整好，等我買到材料再post上黎．

娘親壽宴@金兜記

前星期miss左老豆牛一果餐，今個星期娘親壽宴不容錯過．

金兜記飲茶次數，多不勝數，但晚飯都係第一次． 

相熟經理送的壽桃，隻隻大過拳頭，最驚喜係內藏咸蛋黃，超好食．

以往我唔吼壽桃，今次take away，拎番屋企同圓丸慢慢嘆． 

先黎老火湯 – 眉豆XX ??? 睇d湯渣就知超堅料．

鹽焗雞 – 略嫌奀左d，但經理話走地雞係細隻D．

薑蔥桶蠔，我唔多好蠔，所以無食．

龍躉兩味 – E味我都無試

E味就o賴o野啃骨 >> 都係我老細d綠洲龍躉正d

三角椒子薑炒牛肉 – d子薑好掂，原來係老細親手醃製的．

蝦醬炒菜，好香口．

送甜品 + 生果

娘親日夜照顧老豆必定很辛苦，希望佢為頭家之餘，自己亦要好好保重，

長命工夫長命做，至緊要保重身體，唔好成日為d無意義o既o野勞氣．

LOFT 創意市集

上月參觀了JCCAC手工市集後，心中（做手作仔）果團火又死灰復燃，
今天再下一城，跟老師跨境到深圳參觀另一個市集．

雖然是mother land，但兩年多未有踏足，感覺很陌生；

是日週末，上水站並不如報導所說，未見水貨客蹤影．

我們選擇經落馬洲入境，比羅湖輕鬆得多．

站外是一片空地，不時見到雀鳥，有點像香港的濕地公園，

只是無人打理罷了，實在浪費．

落馬洲站竟然空無1人
我們由港鐵轉深鐵亦非常方便

深鐵的網絡已全通車，只要確定路線便能4通8達．
我們在"僑城東"站下車，經過林蔭大道，便到達目的地．

那裡原本是工廈區，但工廠北移，所以改變用途，作文化藝術之用．

這座工廈地舖是間時裝店

還未拆走的聖誕裝飾

到處都是食肆 (但價錢絕不便宜)

無處不在的外資咖啡店

可愛的酒吧燈飾

超愛的檯子 (雖然極不環保)

我們選了這間拉麵店

聽說老闆是香港設計師高文安

踫巧有拍攝隊在這裡取景

我們不看明星，反而被路邊的炒栗子吸引過去．

終於來到了市集

攤位大多以手工藝為主

特色的生日咭

o華~ o華~ o華~  我最愛的口金包!
價錢合理，加上明白手作人所花的時間&心機，所以我也樂意解囊．

市集規模不大，每件貨品都是檔主的誠意出品．
我最欣賞全手工的作品，件件不同，各具特色，絕不會像工廠倒模的產品．

市集旁有些商場，有傢具店，時裝店，精品店 …，但售價驚人，
我懷疑是否有人會光顧．
但還好的是，店子都可以讓寵物內進．

隨意逛逛，發現高文安的工作室真的在附近．

倦了，便到附近餐廳吃個下午茶，cheese cake @RMB36!!!  真的好貴啊~

餐廳內有客人把小狗放在檯上，雖然我也是養狗的，但不鼓勵這種行為，
因為檯上始終是用來放食物的，未必人人接受.  再者，如果小狗不小心由檯上跌下
（牠的主人正埋頭埋腦在上網），後果更加不敢想像．

主人正埋頭埋腦在上網，小狗悶爆．

(失圖)

總括今天行程頗充實，由入境至逛畢市集，感覺都非常良好，

只可惜在最後的餐廳下午茶時，印象分都要倒扣了． 

話說朋友在廁所時，發覺有男士闖進，原來是男女共用的，那也算了，

最最最令我(surprise)的是，原本我打算洗手後才食那件貴夾唔飽的芝士蛋糕，

但一進入廁所，便看見一名清潔男工把地拖放在洗手盤內清洗，

那時我想到底我還應不應該洗手呢？是否不洗更比較衛生？