近日圓丸又與我的荷包作對
佢o既腳患未好，又發現毛毛上有皮屑，而且男人味日濃(以往2星期沖一次涼都OK，
但星期日同佢沖完，2天後已開始有味)，估計是皮膚出現問題．
雖然離覆診日還有個多星期，但為免延誤，都係病向錢中醫為妙．
今日預約離奇順利，即日下午就有位（否則要等到下星期），即時向老闆請假．
上次打的($60)非常豬! 今次搭公車($3.4)，準時到達，仲唔使等添
（反而我叫醫生等我一陣，因為想帶圓丸去痾督尿先 ^^）．
圓丸又無同其他狗接觸過又無轉糧，惟一係開始食多左supplement，但醫生睇過話OK，
亦唔需要change his diet，更強調我照顧得圓丸非常好，
“he is obviously not lacking of nutrition”．
（of course la~ 9kg 喎！我似營養不良多d lor~）
醫生話係好普通的皮膚病，一般都會好痕，但圓丸又無抓，所以應該好mild，
食抗生素 & 用'3條毛'沖涼就會好，但有機會再番發．
(e 樣我又唔擔心喎, 咩病都有機會番發架啦！)
至於隻腳仔，我上次只帶左 MRI & x-ray 底片去，但醫生非常盡責，
主動問太平道拎左圓丸的 record，幫助了解病程．由於進展良好，神經線藥由早晚半粒，
減至1日半粒，再食6日就可以停，YEAH~ 醫生再三提醒我，
盡量唔好比圓丸run & jump & never hold him with his front legs
(which I never do that!)
希望圓丸可以快ｄ復出，再同大家見面．
圓丸的神經線藥及抗氧餅餅，仲有抗生素及其他supplement．
睇完醫生番黎成個謝晒
但見我整dinner又識彈起去廚房等食
＊後記：醫生話其中一隻抗生素可能會影響胃口及有軟便，但食左2劑好似仍未見效．
（圓丸依然像第3世界的饑民一樣嗜食！）
