米奇口金包(2片式)

口金包除了製法多，配件也不少，
單是口金框已有不同的size，顏色&款式．

今次用米奇的口金，做最基本的兩片式．

再加一條小花邊，就成為一個可愛的米奇口金包!

1片金口包 + 裹蒸丸

初三氣溫只得7度，而且落住毛毛雨，
一向有層脂肪護體的圓丸都塞縮於被竇中！

本來計劃的BB焦因天雨關係而延期，咁o既情況下，我一於開壇整包！

工欲善其事，必先利其器 (大家識解無？)

唔睇書都唔知，口金包o既製法原來有好多，

我今次試下整一片式，1 take過!

先依紙樣裁出表布，裡布&夾綿v

然後分別將表布&裡布縫好，燙上夾綿．

表布&裡布的角位要對稱縫好

表布&裡布的初形便完成

再縫上口金，包包便大功告成!

我在另一邊加了花邊及英文字母牌

圓丸成個春節假期都無出過場，附送一粒裹蒸丸比大家頂下癮． 

圓丸3-legs cousin

順帶一提，今日巧遇大哥個仔屎辣沙，論輩份論排名都比圓丸低兩班．

佢個大名叫小小，但身型絕不嬌小，有成8kg，特徵係兜風耳一大對；

可惜今日雨綿綿，圓丸沒有隨行，否則雙肥就可以有機會比拼下腰圍o既呎碼．

小小好乖架，行到邊跟到邊．

又唔會揀飲擇食，

希望佢健健康康，唔好再肥落去！

俄羅斯娃娃口金包 (4片式)

過幾天就係大年初一，趕緊做個口金包，
咁d利是錢就可以袋袋平安o勒！

上兩次試整2片口金包，非常順利，今次向少少難度挑戰，試做4片口金，

其實原理同2片的一樣，只係縫多幾針＆夾口要縫得靚靚．

先依紙樣剪出4片表布，4片裡布，及4片夾綿．

將夾綿貼在表布上

續一縫好，變成一個小包包．

然後在邊縫位剪牙剪，燙平．

裡布同樣縫好，但縫最後一片時要留4cm 反口．

縫好後別忘記在邊縫位剪牙剪及燙平

跟著把裡布反回正面，套入表布中．

把表布從裡布的反口小心拉出

然後反至正面，(別忘記把反口縫好)，口金包的初形便以出現．

套上口金，用縫皮革的線縫上口金．

4片的口金包便輕易完成

側面睇就會明白4片口金包同2片的分別

一般朋友都較喜歡4片的口金包，因為較有立體感，漲卜卜，像隻巨型蝦餃 ; 

但我個人而言，則比較喜歡2片的，因為2片口金包的圖案會比較大，

而且做出來較小巧，容易收藏在手袋內．

粉紫典雅口金包(2片式)

唔知典解我對d唔等使o既手作仔特別有興趣，逢係貼貼縫縫就最岩我心意，
所以口金包近期成為我o既新寵！今日又手痕拆左套‘材料包’開工！

累積上次的經驗，今次就更加熟練．

先裁好表布，裡布&綿芯．

縫好後，便把裡布套入表布裡．

再把袋口縫合

從裡布的開口位抽出表布，再把袋口縫好．

加上口金配件，便輕易完成．

『卡格』狗狗服從與訓練分享會(2)

跟著便到了狗狗最興奮的時刻 – kakato試食大會! 

當工作人員把雞肉南瓜味的罐頭放在圓丸面前，我已嗅到淡淡的南瓜及鮮肉香味，

圓丸當然大啖大啖的吞下．而一些咀刁的小狗也同樣享受不同的其他口味，

例如：三文魚魚湯，雞糙米菜，吞拿魚芝士，… 

原來這個試食大會只是熱身而已，‘鬥快食’比賽才是戲肉！

圓丸與一眾參加犬正在密密食

圓丸'照鏡'時，隔離的毛毛仍然在努力中． 

原來毛毛主人話佢一向唔肯食，今次破例開金口，已經好叻叻．

圓丸埋首苦幹，終於不負眾望！

更難得的是從練犬師張先生手上領獎

其實半年前因為暫養貓貓milo的關係，朋友已經向我介紹kakato，

因為kakato的肉含量高達78%，而且選用human grade的食材，尤其適合貓狗一家親的家庭．

雖然罐頭糧不可取代乾糧中的營養，但為了提高貓貓狗狗的味覺享受，

特別對有偏吃習慣或不愛喝水的貓狗，把罐頭混入乾糧，或是偶爾以罐頭取代乾糧，

都是一個很好選擇．

第2個比賽是‘鬥耐性’，主人們要令小狗stay在白線內，吃飽了的圓丸理應寸步不移，

但工作人員為了增比賽的緊張氣氛，竟然出動kakato罐頭，

本來勝券在握的圓丸難擋其誘惑，‘肉’步一移，飲恨只贏得季軍．

get ready ... 

stay ... 

good boy ... stay ...

本來狗狗們都非常堅定

謹守崗位，寸步不移．

但kakato一出，實在難擋其吸引．

潰不成軍，勝負立見．

(果然是不貪吃的毛毛意志最堅定, 所以得到冠軍)

經過一輪刺激有趣的比賽，主辦單位向勝出的小狗頒發獎品及拍大合照留念，

然後我們便繼續燒烤，大家邊吃邊和其他狗主交流心得，

一個愉快難忘的周末就在愉快的氣氛中渡過．

圓丸再次接受頒獎

與其他勝出的小狗拍照留念

以及大合照

後記：多謝大會的貼心安排，無論交通，食物，遊戲，分享環節，

以及各位友善工作人員，都令我和圓丸過了一個難忘豐收的周末，

期待再次參與您們日後舉辦的各樣活動．謝謝！