Update of Milo

多謝各位關心milo的朋友

早前帶他打預防針時，醫生已發現他的牙仔及牙肉發炎（流浪貓普遍常有），
雖然吃了止痛藥，但胃口仍沒有改善，而且體重也稍稍下降，
在朋友的介紹下，再到 9lives (貓醫院) 尋求2nd opinion．

(失圖)

經醫生檢查後，發現 milo 的淋巴腫脹，牙齒及牙肉都不健康，
認為有脫牙的必要，既然2位醫生都有一致的診斷，那麼milo難逃脫牙的命運．

雖然我'訪問'了幾位養貓的朋友，他們的貓貓都曾經脫牙，有些更需要脫清光，
但原來貓貓的牙齒問題是很普遍，脫牙後對貓貓的日常生活並沒有影響，
而且貓貓並非以咀嚼消化食物，所以依然可以食乾糧．

話雖如此，但當我一知道milo 要脫牙，我的心便沈了下去，成貓已經難home，
沒有牙齒的成貓就難上加難，如果入貓場的話，肯定會成為被欺凌的對象．
天啊 ~

但時間並不容許我考慮太多，醫生建議盡快安排milo進行dental surgery．
事不宜遲，馬上 book 期．手術當天，懷著不安的心情見醫生，
請醫生盡量保留milo的牙齒，希望他將來的路不會太難行．

～ ～ ～ ～ ～ ～ 
放工後趕往貓醫院見醫生，醫生說milo情況很好，但唯一問題是驗血報告的TP略高，
為策安全，再為他驗尿，而得到的結果亦相同，怪不得無論他吃多少，
也不見他 gain weight．醫生建議交給 lab 種菌，希望找出原因，對症下藥．

 我去到診所時，milo已經醒左9成．

total mook 左6隻牙，總算唔使做無牙仔 ．

(失圖)

本來我想keep 番 d牙仔，但姑娘話好臭，叫我快d掉左佢．

(失圖)

驗血報告都算靚仔，只係 TP 超標．

(失圖)

最後到左結賬時間，承惠$3860．（脫牙$3140+種菌$720）

(失圖)

(失圖)

(失圖)

milo好叻仔，一番到暫養家，
就自動去食為他準備的recovery mousse 糧．

記得乖乖食多d，肥仔d 就會可愛d．

(失圖)

希望大家能為milo的醫療費用出一分力，即使未必籌到全數金額，我會承擔餘數．

請你把善款存入:-
1) HSBC 戶口# 579-0-012461
    戶口姓名 : Kwok Shuk Kuen, Maria
                           或
2) 渣打銀行戶口# 411-0-120878-0
    戶口姓名: CHEUNG Wai Chong

請留言或email (jcheung825@yahoo.com.hk)通知，
以便核對，謝謝!

＊本人乃獨立義工，未能提供捐款收據，如對捐款有任何懷疑，
請把你的心意轉贈到其他動物福利機構．謝謝!

P.S.  多謝在這個多月來支持及鼓勵我的朋友，
milo 的出現令我真真正正明白到沒有背景的義工所承受的壓力，
難受的是別人的冷言冷語．雖然我也曾迷失過，想過放棄，
反問自己是否不自量力，貪玩，好心做壞事，…，但這所有疑問，
都在上星期連續幾個深夜的滂沱大雨中得到了答案．

因為縱使外面再風大雨大，一想到milo 現已在大家的關愛，
以及暫養的照顧下過著平安的生活，再不用擔心溫飽，更不用過著顛沛流離，
提心吊膽的生活，我的不安，我的憂累都隨著雨水一一沖走，
因為我相信雨天過後總會有陽光！ 

善良Milo 尋找出路 [已被領養]

3歲的Milo是另一個因主人搬遷而被遺棄的犧牲品，
貓義工說："成貓被領養的機會很低．"
那麼 Milo 是否沒有將來? 而我又如何為Milo 找到出路呢?

 品種：短毛家貓　　　 名字：Milo
性別：男，已絕育　　　年齡：約3歲
體型：偏瘦，只得3kg

 他的故事：教我如何幫助牠

性格： - 有時超o爹，喜歡在你腳下磨蹭，有時又很獨立
 - 超級溫馴，剪指甲，洗耳，都乖乖不反抗
 - 友善，可與其他貓狗相處
 - 斯文淡定，過籠，搭車，在陌生環境 ... 也不慌不忙

Milo已打預防針，杜虫及杜虱，但因牙仔及牙肉發炎（流浪貓普遍常有），
稍後會安排進一步檢查，如有任何新消息，我會update大家．

如此乖巧溫馴的貓貓，根本不可能在街上生存，更不忍心把他送往擠迫的貓場，
希望大家可以給這個善良小孤兒一個機會，一個安全溫暖的家． 
謝謝 

 有興趣領養的朋友 請留聯絡電話至 jcheung825@yahoo.com.hk 
[領養者必須年滿21歲， 出示身份證 及 住址證明，並接受家訪．（必須安裝窗網）]

教我如何幫助牠 (名為: Milo)

由於近日家事令我頗為困擾，加上全無養貓經驗，未有衡量自己的能力，
便毅然把Milo帶回家，令Milo受驚，實在很過意不去；幸得到各方好友關心，
她們在忙碌中抽空輪流來我家幫忙換貓沙，加糧加水，與Milo互動，
讓他重新適應家居生活，也讓我放輕鬆不少．

 Milo性格溫馴，抹身洗耳都無難度．

朋友話連佢屋企d 貓都無Milo 咁乖

Milo好叻仔，第2晚已經在沙盆痾臭臭，更識穿左我o既阿4身份，
解手後大大聲叫我幫佢執屎 亦係我人生中執的第1督貓屎．

比朋友'舞'左成晚 Milo 番入籠便 ...

... 立即瞓覺覺豬

睡著了的樣子真的好可愛

其實Milo 咁乖，理應可以讓他自由行，可惜我家沒有窗網 對自己又未夠信心，
要他暫作籠中貓，實在很對不起．

而麻鬼煩的圓丸依然寸步不離 !

第2天，在朋友的鼓勵及陪同下，讓Milo伸展一下．

驚青的我讓圓丸先作炮灰

看來Milo的情緒比我更穩定 (我在慚愧中...) 

很淡定，對圓丸視若無睹．

還是不放圓丸在眼內呢

然後便在地上躺下來

朋友說:Milo 這個撟手姿勢，代表他很放鬆．

果然真的開始瞌眼瞓！

貓貓睡覺的時間好像比狗狗還要長

在朋友的協助下，上周末已帶Milo看醫生及打預防針，
Milo在車上及診所內都表示得相當淡定，更在車程中瞌眼瞓，是個全無戒心的小朋友．

Milo已打預防針，杜虫及杜虱，但因為牙仔及牙肉發炎（流浪貓普遍常有），
所以稍後會安排作進一步的檢查．
義工朋友都說，成貓被領養的機會微乎其微，
但如此乖巧溫馴的貓貓，根本不可能在街上生存，希望大家可以給他一個機會，
一個安全溫暖的家．

萬分感激 

有興趣領養的朋友，請留聯絡電話至 jcheung825@yahoo.com.hk
[領養者必須年滿21歲，出示身份證 及 住址證明，並接受家訪 （必須安裝窗網）．]

黑白靚仔西施尋家 [已被領養]

品種：西施 (男)

年齡：3- 4歲

性格：十分親人，但因長期困在生銹鐵籠，引致毛色變黃

　　　但只要耐心打理，將來極有可能靚仔過圓丸． 

有興趣領養的朋友，請email到: elsakitfun@yahoo.com.hk 

或致電 94824568 (Elsa Leung)

領養條件 : 

1) 申請人須年滿 21 歲，並提供住址證明及接受家訪

2) 小狗必須接受絕育及植入晶片, 費用由新主人負責 

3) 不可私下轉讓狗狗予任何人 

4) 領養後，須要和義工保持聯絡，了解狗狗近況

5) 公屋及大廈公契不 可養寵物 免問！

貓犬通訊(7月號) -- 狗狗端午下水禮

教我如何幫助牠 (延續篇)

上一篇提及的小貓咪，昨晚在朋友的幫忙下，已帶回我家暫住．

其實餵貓姐姐前晚幫牠滴了frontline，計劃周末才動手，
但朋友昨晚去觀察環境時，順便給牠一點貓糧，就已輕易把牠抱起，大家見機不可失，
於是便立即行動進駐我家．

但實質我全無準備，更無經驗，所有貓用品：貓籠，貓沙，... 都是臨時借來的．
而我只有幾本參考書，但書中的資料似乎與實際環境不大相干．

貓咪雖然很緊張，但性格溫馴，乖乖被朋友剪指甲都全無問題．

瞓到半夜聽到貓咪不安地喵喵叫，又抓起左鋪籠底的膠板及撞籠，
我無養貓經驗，所以很擔心牠會破籠而出，
連平時睡在地上的圓丸都退避三舍，跳到床上與我孖舖．

第2朝見牠睡在沙盆上，姿勢頗為有趣 見牠在籠邊磨頭，便想輕輕摸一下．

冷不提防，給牠咬了一口 原來貓貓緊張才會睡在沙盆上，都怪自己衰多手！

向來有d d 畏貓的我，似乎高估了自己的能力 經過這次教訓，
我暫時仍未有勇氣伸手入籠加糧加水 只係敢由籠lar 攝糧入去．

食飽就不再訓沙盆了，希望這是relax 的象徵佢．

但圓丸的職業病又發作 (職業: 教監, 負責監視)

全天候鴿住貓咪，好鬼煩！

lunch time 回家，小貓咪可能有午睡習慣，所以安靜了些 唔知係咪個籠太細，
佢睡到手仔叉晒出籠外佢．

我想摸下佢手仔，點知佢突然回爪，好彩昨晚同佢剪左指甲 否則一定掛彩，
這兩天都係盡量避免與牠有肢體接觸較為安全佢．

朋友教我要比佢食多d，等佢覺得住o係我度唔使捱餓，
幸福過mou 街，咁就自然唔會發脾氣，所以我又餵左少少糧氹下佢佢．

雖然係街貓，但佢食o野好斯文淡定佢．

圓丸吼吼貢真係好鬼煩 可惜我家係studio flat，無法將佢地分隔佢．

我最擔心係圓丸越行越埋，比貓貓抓傷對凸眼就弊家伙佢．

希望小貓咪乖乖，咁就可以唔使再困籠，其實我想盡快帶貓咪去body check，
但我目前全無信心可以將牠過袋，所以都係睇定d 先再打算．

小貓咪瓜子口面，樣子清秀佢．

如果你地身邊有朋友打算想養貓貓，希望比個機會，考慮下佢．
 謝謝

有興趣領養的朋友，請留聯絡電話至 jcheung825@yahoo.com.hk．
 [領養者必須年滿21歲，最好有養貓經驗，出示身份證 及 住址證明，並接受家訪 (裝窗網)． ]

圓丸近況

朋友問我點解咁耐唔見圓丸o既消息

理由好簡單，一來天氣太熱圓丸要抖暑．

二來我大解都唔得閒，日頭番工，夜晚要探老豆打亂晒我早睡早起o既生活習慣．

但為左一解大家對圓丸相思之苦，現送上幾張生活照比大家頂住癮先．

個髮型係由我親自操剪

人見人愛　好靚仔

都減左少少   小蠻腰在望架喇