手工皂 之 布娃娃

這個布娃娃皂模，在參考書上看到時已經十分喜歡，
雖然知道可在台灣網站購買，但單買一兩件皂模實在費時失事
終於比我在網上發現！

為左表明我o既堅決，不惜山長水遠由港島去元朗交收，皇天不負有心人，

做出黎o既的皂皂真係好令令呀．

不過大家咪使打佢主意，因為已經比我家姐老笠左喇！

手作皂 之 太陽花

記得我在加拿大朋友家中寄居時，她花園種滿向日葵（sunflower），
不知是否當地土特別壤肥沃還是品種不同，那些向日葵朵朵都有我人頭咁大，
你都咪話唔驚！

根據參考書資料，葵花油除抗老化外，亦可取代橄欖油，今日一於試試．

配方：葵花油；棕櫚油；椰子油；酪梨油；芥花油；蓖麻油

添加物: 粉紅石泥
 不知是否這配方的INS，只得130的關係，打了很久仍未trace，
我惟有加入棕櫚核油當做superfatting，
脫模時雖然有少少黏模，不過顏色都整得幾滿意，he~ he~

手工皂 之 雙色雪糕磚

搞左咁耐，發覺原來最便宜又環保o既皂模，就係牛奶盒o勒，
所以我最近狂隊奶．

(失圖)

今次依參考書做一個軟清爽的配方黎迎接夏日．

材料：3寶OPC & 甜杏仁油
* 添加物: 1st layer: 綠石泥粉；2nd layer: 綠茶粉&燕麥
** 精油: 檸檬草 "lemon grass"，屬於香茅科，但味道比香茅易接受

將1半皂漿倒入預先準備好的牛奶盒

(失圖)

然後在餘下的皂漿加入'綠茶粉'，再攪拌至完溶化；加入綠茶粉後，
皂漿變成啡色，突然手癢癢，再加入少量'燕麥'；將皂漿小心輕力倒入牛奶盒面層，
跟著便可以把牛奶盒放好，等侍凝固，約2-3天時間便可脫模 ...

(失圖)

... 皂漿凝固，就可以脫模架喇 !
 大家無眼花，因為當日有個百福豆腐花盒 我見唔好o徒，
所以又整多盒，估唔到脫模又OK喎．

(失圖)

因為加入綠茶粉及燕麥，上層有點像朱古力＋nuts，
下層似是雲呢拿，好像小時候吃的雪糕磚．

(失圖)

切片後便成為一片片的雙色皂，真係有衝動一啖食佢落肚．

別了, DD ~

前星期才探望了DD，想不到上星期便收到DD離開的消息．

年青時的DD，曾經是個超級肥妹，為她健康著想，主人的起心肝，
令DD成為當年“囂屎”的瘦身冠軍，但近年DD的體重漸漸下降，
主人反過來努力想她吃多一點． 任何生命也逃不過自然的定律，隨著年齡增長，
DD身體亦續漸走下坡，後期更患有老犬退化症，在晚間不自覺（亦不能自制）地團團轉，
令主人無法安睡．記得當年cookie也曾因為心臟病令他在晚間喘氣，腹水更令他不能躺下，
每晚我就伴著他，一伴就是年多兩年，所以我十分明白這種感受．

我部白痴相機都偶有佳作 e張照片1影出黎，就預左要黎做"車頭相"．

送別DD的那天，大家都沒有太大的傷感，只有一絲捨不得的愁緒，
不竟DD已經17-18歲了，她一生有主人愛鍚，能夠陪她走完最後一程，
已經是大大的福氣，而且DD到彩虹橋後，
Cookie和妹頭必定會好好照顧這位老友記．

告別儀式過後，我們帶同DD一起吃解穢宴．

(失圖)

(失圖)

(失圖)

(失圖)

(失圖)

(失圖)

回家後執起已封塵的羊毛針，憑記憶把DD做好了初型，
以解DD主人對他的思念．

後記：更想不到的是，DD離開後的一個星期，
他的老友（西施仔）亦跟隨他去了彩虹橋，

唉～　身邊的西施好像越來越少了～　

一個熟悉的名字 (山茶花)

某日在選購手工皂材料，
給我發現了一個熟悉的名字 : camellia．

Camellia oil，中文名是: 茶花油/樁花油，它還有個日文名：Tsubaki．

上網搜尋有關資料，原來千年來，茶花油(樁油)是日本婦女最喜愛的美膚、美髮聖品。

它不僅能滋潤膚質，有效去斑去皺及療傷，更能潤髮護髮，催生頭髮，

難怪成為資生堂的熱賣產 -- TSUBAKI 洗髮系列.

(失圖)

既然知道它有那麼多功效，事不宜遲，馬上動手！

材料: 

1) 做皂3寶

 OPC(olive, palm, coconut)

2) 甜杏仁油

 (促進細胞更新，使肌膚恢復光滑柔細，性質溫和，

敏感及嬰兒皆可使用)3) 茶花油 

4) 白油

* 唔知典解，今次個formula 攪極都唔trace，我再check鹼化表，

發覺計錯純水份量，為左想快d 落模，惟有加少許薏仁粉，以我經驗，

落添加物後會較易trace，之後我覺得顏色太白，又手多多加左d粉紅石泥粉．

又到左脫模時間，…花仙子好似受左幅射影響．

頑皮狗都有d崩塌

e個蝴蝶模向來表現唔錯，今次尚算及格．

睇黎, 我要再search 下其他茶花油o既配方先至得, meanwhile, 

大家睇住以下D資料先: 

山茶花的效用:

- 滋養皮脂細胞，促進真皮層內膠質纖維之製造，使肌膚柔軟清爽。

- 清除皮膚污垢，抑制並淡化色斑、雀斑、老人斑及皺紋，使皮膚白哲光采。

- 促進治癒晒傷、燒傷，並能防護紫外線之傷害。美膚油亦適用於美髮。

- 滋養、濕潤身體肌膚及防止粗糙搔癢，每天使用，肌膚細嫩光滑。

- 防護紫外線和空氣污染物對肌膚的損傷。

- 增進生髮的毛母細胞及黑素細胞的再生活力。長期使用，灰白頭髮逐漸濃黑亮麗。

久休復出BB蕉 (ii)

令人o華o華~ 聲o既燒烤包

仲有麵包&番薯粟米，今天肯定不飽無歸．

e 幅照片好詭異，竟然有人只係吉住1粒魚蛋黎燒．

既鴨胸都豐富過佢

連狗狗食o既鴨胸都豐富過佢

圓丸見到咁震撼o既場面，立即捐番入狗袋為妙．

B完又到合照時間，本來坐o係中間o既圓丸．

而之後o既狗狗合照都被飛

滔兒對自己o既新髮型唔多滿意，肥滔好言相勸．

< < 本 篇 完 > >

久休復出BB蕉 (i)

圓丸休養多時，情況漸漸穩定，我亦開始續步恢復他的活動，
今日"初試提腿"，去BB蕉，人狗都唔使點行．

圓丸好耐無咁跑過喇

哎o也~ 比小威搶晒鏡添

滔兒自顧自地 "隊草"

仲食到津津有味

小威唔執輸，以為有筍o野．

無錯，施完這邊廂 肥滔已經在另一邊廂忙碌地為花草樹木施肥灌溉．

(失圖)

每次施肥後，都會捲起沙塵暴 [ 警示"人狗勿近"]．

為免小雪學壞，歌后惟有將佢軟禁．

眼見形勢不妙，本來周圍滕o既布甸即刻乖乖坐低．

圓丸更加話: "行夠喇~ 快d 開爐啦!"

B還B，都要影番張合照留檔o架．

;... 待續

我的手工皂 (第3回)

早兩日又去入左d貨，唔講咁多，速速開工～ 

 配方: 做皂3寶 OPC(olive, palm, coconut)，蓖麻油 & shea butter
另外還＋了 "月見草油" (維持細胞膜健康，保留水分，改善皮膚異常症狀
、i.e. 濕疹, 乾燥發癢、對預防掉髮亦有很大幫助。)
 * 添加物: 薏仁粉3g (美白)

攪到差不多trace 狀態，手多多o既我突然想試下玩顏色，
先將皂漿留起1/4，把3/4入模，餘下的1/4 加入粉紅石泥粉 & 少量燕麥．

做出黎o既皂皂變成 2 layers，底層暗粉紅色，既有滋潤功能，顏色又特別．

同場，買左個鋁質蛋糕模試下效果如何．
＊記得落皂前先在蛋糕模內掃油

出黎效果又幾OK 喎，蛋糕模只係十元八塊，相比起矽膠模的確抵好多!

我的手工皂 (第2回)

上次落模時間掌握得不太好，以至脫模時有裂紋出現，影響外觀．
今次嘗試早一點時間落模，看看情況會否改善．

配方除了palm oil & coconut oil外 ，還添＋了蓖麻油castor oil
 (對頭髮及肌膚都有保濕效果) & shea butter (滋潤及柔軟肌膚)

 * 添加物: 薏仁粉 (美白)

2天後脫模，裂紋情況大大改善．

左面: 今次做的皂皂;   右面: 上次的皂皂

由於上次配方的INS值較硬，對比下圖案較今次清晰．

連細緻的地方都看到紋理

但今次圖案就比較含糊，真係有辣有唔辣，

要多d 做皂經驗，先可以取得平衡．

第1個;最低工資;的犧牲者 [4月份開始, 調整售價]

元朗一個私人的流浪狗收容所（狗場），場主是位老婦，
靠她微薄的收入應付狗場的開支，不幸在3-4年前，
她接受了一次大手術，身體已大不如前，因此失業了一段日子，
只能靠做散工和朋友的幫助來維持生活和狗場．
從那時開始，我便為她的狗場籌糧．

上年場主興高采烈地告訴我，她終於找到了工作，雖然時間長，薪金低，
但總算可以幫補一點，可惜不到一年，公司在“最低工資”條例還未生效前，
已向她‘開刀’，早前她收到經理的通知，加入失業大軍．

雖然面對失業，雖然體力有限，雖然年屆退休，但場主並未放棄，
她仍然相信總會找到新工作，只是擔心失業期間，未能應付狗場的開支．

請你也出一分力，幫忙狗場渡過這個難關．

＊由於狗糧售價不斷上升，我們正積極搜購那些將快到期或較便宜的狗糧，
以減低開支，但暫時仍會以"丹桂苑" Top Ration．

(失圖)

及"德記" Purina 橙袋狗糧為主

為節省開支，也會夾雜麵包皮來餵狗狗．

捐助方法 :- 

1. 直接向丹桂苑訂購 (電話: 2488 4887 陳太)
落訂時請註明 "捐贈盧姑娘狗場" $230 / 包; 每包40磅

2. 直接向德記訂購 (電話: 2477 0430)
落單時請註明 "捐贈盧姑娘狗場" $190 / 包;
每包16kg (10包以上@$175) [4月份調整售價, 10包以上@$185]
或
3. 將捐贈狗糧的善款存入:-
a) 匯豐銀行戶口#: 579-0-012461 戶口姓名: KWOK Shuk Kuen, Maria
b) 渣打銀行戶口# 411-0-120878-0 戶口姓名: CHEUNG Wai Chong

入款後，請以電郵通知 (jcheung825@yahoo.com.hk)
本人會代收集善款及訂購狗糧送入場.

＊本人乃獨立義工，未能提供捐款收據，如對捐款有任何懷疑， 
請把你的心意轉贈到其他動物福利機構．謝謝!

＊＊如有意成為長期捐糧者（多少不拘），請留言或email 與我聯絡．萬分感激！

丸之覆診

多謝各位關心圓丸o既朋友，圓丸食左專科藥物之後，
情況已經好轉左好多，話咁快又到左覆診o既大日子．

 圓丸休養期間，日日唔係食就訓，連唯一o既痾屎活動都比我cut埋． 

每日都只係訓響張床仔度，等開飯，等屎痾，
好在而家佢學識埋o係屋企痾，唔係我都幾頭痕．

今日覆診過程好順利，等左一陣就到我地，同上次一樣，醫生叫圓丸落地行，
圓丸以為可以鬆人，雞咁腳行得好快，仲好輕鬆添，
點知想再叫番佢入診症室，佢就屎都唔肯行．

醫生認為圓丸進展得唔錯，建議再繼續食藥，
比佢多d休息，keep住觀察就OK，有需要先再覆診．

 YEAH !!! 拎埋藥就可以番歸 lu ~

(失圖)

回家途中見有扭蛋機，心情勁靚一於玩番2手，心目中想扭乳豬or油雞．

(失圖)

但扭來扭去都係得個 ??菜圃& ??，今日手風唔多順，唔同佢糾纏．

(失圖)

(失圖)

唔知係咪少落街，圓丸番到屋企好屎倦．

趁住佢訓左，我就趕落街買下午茶餐，一盒焗飯＋餐湯，都係$25 only，
份量仲多到我食唔晒，留番一半，烚多條菜仲可以當埋聽日o既lunch 添! 

為左每月供番圓丸筆數，惟有慳得$1 得$1！

(失圖)

後記：兩年多前，狗場的西施仔(金寶)都同樣患有椎間盆，
元朗的獸醫說醫不到，建議安樂死，但後來去見專科醫生，
照MRI後要即時做手術，場主曾經為2萬元的手術費十分擔憂，
最後由義工們每月供款攤還，金寶而家仍然健在，並行得走得．

以2萬元換來他兩年或更長的壽命，換他的行動自如，
我認為十分值得，但萬多2萬元並非每位貓狗主人能夠負擔，
能負擔的也未必願意負擔；曾經聽過不少個案為了昂貴的醫療費用而放棄曾經愛鍚過，
曾經一起生活過的貓貓狗狗，實在令人心酸．

希望每位寵物主人都能視他們如家人一樣，在他們生病時年老時，
不離不棄，陪伴他們，照顧他們，不管結果怎樣，
能夠與他們共同面對，共同經歷，才是個有始有終的人，日後亦不會有遺憾和悔疚．