我的第1片手工皂

還記得1個月前，我學做的第1片手工皂嗎？

終於到了測試 Ph 值的日子了

用我切崩左果片來測試，結果是深綠色

(失圖)

再比對色表 '深綠色' = 8度，代表適合人身體的肌膚使用

(失圖)

一般市面上肥皂/梘液 的Ph值大約是10，而且添加了界面活性劑，

或多或少對皮膚做成影響，學會了做皂，以後就可以用自家製的，

對自己好D，又不會對地球先生做成傷害，WIN WIN．

(失圖)

DIY潤唇膏

上星期終於收到之前訂的DIY潤唇膏材料包喇～

材料包括:苛苛芭油＆甜杏仁油

＋薰衣草/甜橙香薰精油)蜜蠟 / 唇膏管 / 錫紙杯

(失圖)

製作過程好簡單，岩晒我ｅ種懶人

1) 先將 "苛苛芭油＆甜杏仁油" 倒落鍚紙杯

(失圖)

2) 再加入"蜜臘"，隔水加熱

(失圖)

(已經見到材料完全溶化喇~)

(失圖)

3) 然後將材料液倒入唇管內

(失圖)

(倒瀉果滴好快就凝固左)

(失圖)

4) 待潤唇膏完全冷卻便可以使用，簡單易做又用得安心．

丸 之 隆重巨獻

小圓丸續前年搞左單 "蜱情城市" ，今年又一隆重巨獻 -- 椎間盆 !  

事源農曆新年前某個晚上，半夜聽到圓丸e~e~un~un~，見佢行唔到，
一碰便慘叫，大節當前又book唔到醫生，
好在最後都book到當年Cookie o既御用醫師，食藥後病情稍為舒緩，
但走路時依然跛下跛下，我認為病向"錢"中醫，實在不宜拖延．

於是便帶圓丸去睇專科醫生，醫生叫圓丸落地行，點知圓丸一見醫生即刻七情上面，
行一步，喊一聲，無錯個衰仔真係喊，搞到醫生認為佢勁痛，
估計可能係椎間盤或者有腫瘤，如果要 find out 真正原因，唯一可以做就係照MRI．
連我都未照過MRI e d 咁高科技o既o野，一於比圓丸去"見識"下！

要玩高科技，當然要付出高昂o既代價，

好在ｅ個金錢世界有種叫做 "分期付款" o既服務．

(失圖)

後來我先醒起，慌唔係果朝要空肚去見醫生，
所以圓丸先喊到9彩，搞到醫生以為佢好嚴重！

幾個鐘頭後，醫生叫我入去睇MRI result，而家ｄ醫學真係好先進，
o係電腦度好似進入圓丸o既身體，追蹤佢脊椎＆神經線，
睇到佢頸位有幾節灰左(即係退化)，
幸好未有影響神經線的形狀，醫生認為現階段不需要做手術，
可以試下食藥控制病情，2星期後去覆診，睇下進展如何．

ｅｄ就係MRI o既片，我都唔知有無 upside down 只係知道咁貴重o既底片，
番屋要用相框鑲起佢!

(失圖)

仲順便同佢影左幾張寫真

e幅令我諗起燒鵝脾

e幅令我諗起白雲鳳爪

睇完圓丸全相，就要埋一張水蛇春咁長o既賬單 e 回輪到我要 call 白車．

(失圖)

醫生落藥好重手，好在圓丸乖仔肯自己食藥．

(失圖)

唯一安慰就係驗血報告OK

而且順便洗埋棚牙，仲剝左2隻爛牙仔添．

(失圖)

因為照MRI 要挑晶片，E次真係"無啦啦多條疤"

(失圖)

大家唔使太擔心，前年牛B熱差d攞佢狗命，我地都可以大步欖過，
今次最壞打算至多行唔到，只要圓丸體重唔再暴漲，我都仲可以繼續揹佢周圍去．

事不宜遲，為我條腰骨著想，都係拿拿林訂包減肥糧先．

(失圖)

試托日

傳聞阿Belle 家長計劃遠行，並有意將Belle寄居於寒舍，
唯一concern 就係家中o既渣fit狗 ，只要圓丸點頭，咁就易辦事．

於是今日Belle就來我家試託

(失圖)

嬌小o既Belle非常好奇，一入屋就周圍貢，對圓丸ｅ牙鬆鋼完全視若無睹，
佢o既大無畏精神，其實對佢極之不利，
萬一懵盛盛踏入圓丸1米範圍內，後果我都唔敢想像．

好在蝸居地方有限，好快就滿足了Belle的好奇心，唔再周圍行．

似乎對圓丸的床仔甚有興趣，仲好唔容氣，自己走上去．

(失圖)

BelleBelle會否來我家暫住，就要睇佢家長夠唔夠膽搏，
入住狗酒店前都要簽晒免責文件，我ｅｄ無牌宿一宵更加無皇管．

兔氣揚眉行大運 (ii)

由於次次行 e 條路線都落雨，而且雨勢1次比1次大，唔通真係咁'邪'?
於是大家決定去食番堂齋，化解 d 股不明o既'邪氣'! 

淨係聽 d 餸菜名已經好掂，食落更加旺足全年．　

萬紫千紅 (七彩素拼盆)

(失圖)

年年有餘 (五柳素石斑)

(失圖)

片地黃金 (西檸軟鴨)

(失圖)

金光燦爛 (炸春卷)

(失圖)

包羅萬有 (雜會上素)

(失圖)

花開富貴 (飽菇西蘭花)

(失圖)

翡翠明珠 (翡翠素肉餅)

(失圖)

綠悠大地 (郊外油菜)

(失圖)

今日行程，完滿結束，為答謝大家支持，
送上由本人親自填寫新詞的"留給最愛的說話" (阿旦獨白部份，所以唔使岩key都得)．

<< 留給肚餓的說話 >>

終於 ... 等到"行大運"o既日子，約齊大家出黎，

因為 ... 我想面對面講出我由初一就o係心裡面想講左好耐o既說話 --

"恭喜發財，利是逗來"．

遇上一班唔信"邪"的團友，令我唔可以趕到去，

親口試佢出名o既白切雞&鹵水鴨．

~ 大 家 請 放 心，我 地 必 定 會 捲 土 重 來． ~

兔氣揚眉行大運 (i)

雖然今日天不造美，令我們的活動無法完成，
但多謝各位參加者默默的支持，由出發至散隊都全無怨言，
特別多謝攝影師為我們帶路，用餐時為我們添飯沖茶，大家在雨中尋找樂趣，
旅途中互相照應，令我別有一番體會． 

 雖然落雨又混亂，但無減大家o既興致．

我部潛水機終於有機會發揮佢防水o既功能

雨點飛飛有點飄雪的氣氛

大隊決定回頭是岸，回程時，其實天色開始明朗．

(失圖)

可以邊行邊欣賞紅樹林的風景

(失圖)

趁雨勢略減影番幅合照

似乎大家都唔介意齊齊變晒落湯雞

其中一位團友淋到到傻左，竟然仲笑得出．

(失圖)

梯階濕滑，為免差錯腳，我將狗袋掛在頸柄上．

(失圖)

其實袋中並非圓丸而是小威，咁盡責o既褓母，歌王你識做啦．

(失圖)

大家安全著陸，首要任務就係去暖下個胃，
有人未坐低已經order左個英式早餐．

(失圖)

抱恙o既滔媽決定豁出去，淋都濕晒之餘仲要食 "咖哩3寶"

(失圖)

分甘同味o既 腸粉

(失圖)

燒賣

(失圖)

另外亦叫左幾碗車仔麵暖住個胃先

(失圖)

(失圖)

(失圖)

(失圖)

如果閣下仲未夠飽o既話，送上滔家肉照，包你當堂飽凸．

(失圖)

仲未飽？再黎...  

(失圖)

飽晒!

滔媽: "你要好好保重，如果你有咩衫長褲短，
 睇怕都好難搵人接收你 e 兩壇o野.""

Happy 的新春假期

時間過得好快，特別係假期，眨下眼就過，
而 happy亦要向佢o既春節假期講聲"sayonara"．

E幾日除左每日早晚同佢喪跑外，都無咩好o野款待過佢，
但難得佢同圓丸相處左幾日都無咩損傷，實在已經還得神落．

大年初一，實在已經還得神落．

happy 囡生活好有紀律，落完街同佢玩一陣bear bear 熊，佢就會瞓．

但一聽到任何同 "食" 有關o既聲音(i.e. 食物膠袋聲) 就會即時彈起身．

咩解究佢地突然咁齊心呢

之唔係為左粒零食囉

由於圓丸擔心 d 零食比happy 分薄晒 所以經常遠距離監視佢．

就算 happy 瞓著左，佢都會全天候睇到實．

(失圖)

好似貼身保鑣一樣

但有時實在'鴿'得太過份

(失圖)

為左補償happy o既睡眠質素，買左佢中意食o既青瓜．

(失圖)

1條6吋長o既青瓜，10秒內就比佢KO 左．

(失圖)

happy 咁中意食o野，但速度快成咁 都享受唔到食o野過程中o既樂趣啦 ~

(失圖)

不過佢好乖，只要話比佢知"食晒喇"．

(失圖)

佢就唔會死nur，乖乖去瞓．

(失圖)

(失圖)

(失圖)

>到左happy 留宿最後一晚，佢竟然吼我同圓丸瞓著之後，
自己偷偷去左圓丸張床仔度瞓．

(失圖)

我估計happy 想瞓e張床仔好耐，無奈平時比圓丸霸住，
所以無從入手，趁最後1夜，點都要瞓番次．

而圓丸就繼續霸晒ｄ尿墊，唔比happy 痾．

好喇，happy：你媽咪要黎揍番你喇，等圓丸好番之後，你再黎渡假啦～
不過到時佢行得跳得，你就要養番肥d，等佢一啖咬落黎都唔會見骨丫馬．

(失圖)

偷得浮生年初五(ii)

其實我地今日郊遊，係有另一個目的，就係尋找布甸童年的足跡．

結果發現：除左黑眼圈淡左之外，都無咩點變．

只係搜索技術更勝當年 連行山客著左9日9夜o既波鞋都唔放過

大家對布甸敬食樂食o既專業精神都非常"佩服"

不經意流露的眼神

(失圖)

(失圖)

為免被布甸o既行徑影響胃口，我地趕快下山去dinner，
竟然無情情去左我家附近的潮州館子，仲慳番回程車費．

鹵水拼盤

(失圖)

潮州碎肉粥

(失圖)

粉絲雜菜煲

(失圖)

翡翠石榴雞

(失圖)

蒸烏頭

(失圖)

甜品：綠豆爽

(失圖)

食店評分:

環境境 x 2 唐樓地舖+閣樓, 檯椅密則則, 但依然full house
服務 x 2.5 都OK
食物 x 3 新春+左d 特別o既菜式, 整體樣樣都好掂當!
價錢 x 3 估唔到無趁假期+價,
e d 未就係企業良心lor~ 我一定會再番兜!

偷得浮生年初五(i)

今日大家偷閒半天，入西貢走番轉，先黎食個午餐．

(失圖)

(失圖)

(失圖)

(失圖)

(失圖)

(失圖)

估唔到西貢閒日都咁旺，ｄ點心轉個頭已經賣晒，我地惟有轉攻炒粉麵．

(失圖)

(失圖)

(失圖)

食飽飽就開始出發，e 度就係我地今日o既目的地．

(失圖)

因咩事布甸拖極都唔肯行呢

(失圖)

原來為左等埋去左對面馬路'方便' o既甸媽

(失圖)

趁有時間睇下今日o既行程路線

(失圖)

條路闊落好易行

(失圖)(失圖)

布甸充當先頭部隊

(失圖)

happy 難得可以 free walk

開心到典地

為免走失人地個女，我使出獨門絕招 -- 零食膠袋聲．

唔單只 happy 一聽見會自然番到身邊 連布甸，小雪都番晒埋黎．

為左食，小雪仲企埋上布甸背脊 布甸心諗："好彩唔係圓丸，唔係條腰比埋佢"

(失圖)

小雪似乎對happy 個屁股好有興趣

原來係想摷下happy 有無靜雞雞收埋d零食

(失圖)

搜完身又繼續跑跑跑

今日太陽伯伯好勤力

(失圖)

曬到happy 咪晒眼

(失圖)

連平時唔多郁o既小威都跑番幾轉

(失圖)

... 待續

豐衣足食初三四

由於圓丸要閉關休息，各家長同學又十分有心想探望圓丸，
所以今年o既活動改o係校舍舉行，為答謝大家o既厚愛，我 ... 

... 同事整左個年年有餘年糕 (不過 for your eyes only)

(失圖)

實質我去買左幾件麵包

(失圖)

仲煎左各式各樣的賀年糕點 ... 黎款待大家

(失圖)

而滔媽就帶左當今武林至毒o既賀年小吃 -- 芋蝦

(後記: 我食後真係標左粒大孖瘡出黎)

(失圖)

搞完一輪終於入正題，就係hot pot !

(失圖)

因為初三好在舖頭都未開，所以只得standard o既食物．

(失圖)(失圖)(失圖)(失圖)

而海鮮類就由一位唔識路又例遲o既同學負責，開左爐成粒鐘都未見佢泡頭，

d 海蝦更加唔知游左去邊．

(失圖)(失圖)(失圖)(失圖)(失圖)

本來休息中o既丸丸，眼見大家大吃大喝．

都忍唔住要起身

希望個傻仔快d好番，咁就可以再帶佢周圍去玩o勒．

仲有湯丸做甜品

(失圖)(失圖)

以及歌家大派利是

(失圖)

  ~    ~    ~    ~    ~ 

訓醒一覺又到初四再食過，今日我地去朋友家中團拜，

本來已經book 左檯出外食晚飯，但主人家突然提議o係屋企食，只要有得食，

去邊都絕對無問題．

跟手去超市入貨，主供蔬菜&壽司，番到屋企仲有大廚候命，

認真照顧周到．唔夠飽仲有蝦子麵打底，又有雪糕做甜品．

(失圖)(失圖)(失圖)(失圖)

收獲亦非常唔錯 

(失圖)

話時話，我本來對 e 餐記望不大，但食完之後，覺得肚仔好．

貴客到訪@年卅晚

今日有貴客到訪，橫掂公司放早一粒鐘大把，
倒不如我豪比佢，自己take half day off．

 雖然家中有好多賀年糕點，不過我並無打算用黎款待今日位貴客．

(失圖)

皆因我o既貴客就係 -- Happy，佢阿媽走左之後，佢就吠吠吠對佢仁慈，
即係對自己殘忍，小懲大戒之後，佢即時收聲兼乖乖坐埋一邊．

(失圖)

點知跟住果幾個鐘頭佢依然係"罰坐"

(失圖)

對眼已經無晒神，但點都唔肯趴底 sleep．

(失圖)

我行到去邊佢又跟到去邊，打電話問佢阿媽有無"解咒" o既 command，
答案係 ... 唔使理佢．

(失圖)

相信唯一o既"解咒"辦法就係開飯，一開飯果然成隻生猛番晒，
2秒就清晒兜，所以根本無辦法影到佢食o野o既過程 佢阿媽吩咐，
飯後通常係便便時間，但比隻肥o野霸住張尿墊．

搞到 happy 十分無奈

既然無得痾

惟有乖乖去搵周公

(失圖)

其實床邊都鋪左另一張尿墊比佢，但可能今日太倦，所以無耐就．

(失圖)

(失圖)

見佢2個相安無事，我就出去醫肚．

去左附近o既 "群眾小炒"，年卅晚關係，所以要等位．

 蓮藕豬骨湯

(失圖)

牛腩煲

(失圖)

立味芋頭豆苗

(失圖)

黃金豆腐

(失圖)

咕嚕雞球

(失圖)

食店評分:

環境 x 3 OK好坐
服務  x 3.5 雖然好忙, 但招呼唔錯, 待客有禮
食物  x 3.5 質素有水準，份量亦好足，食到我地投晒降
價錢  x 3 價錢合理