丸之部落: 5月 2010

2010年5月26日星期三

迫於無奈~私友化

唔經唔覺寫左blog已經有幾年時間, 當初只係希望o係e 個blog 度,

將等待領養動物o既消息spread out, 同時亦加入我一家3隻怪獸的生活點滴同大家分享,

我唔敢講內容好精彩, 但每篇網誌都係我用心去寫o既, 亦

慶幸我o係e度認識左好多志同道合o既朋友.

但近期, 同好多blog友一樣, 每日都收到很多spam留言, 已經到達忍無可忍o既程度,

所以從今日起, 部份網誌將會私友化,

麻煩肥丸o既粉C, 以後就要login 先可以睇到佢o既近況喇.

* 有關被遺棄動作o既消息會照舊open to all.

** 暫時唔會考慮轉去'飛屎碌', 只要yahoo 一息尚存,

呢個blog都應該會繼續寫落去.

2010年5月19日星期三

今日行程非常緊密，先到狗場剷毛洗狗，再去暫養家同貓B影相，

順便探訪曾在我家作客的阿肥．

阿肥體型比前纖瘦了一點

性格卻依然乖巧　　

比在我家時仲開朗左添

可能係新居環境非常掂，住到成個開心晒．

(失圖)

不過環境好就要付上代價，果度d蚊手掌咁大，比佢咬一啖就弊傢伙．

(失圖)

唔好忘記仲有經常給契媽投訴的威威

又識去狗廁所痾尿

同阿肥又相處愉快

完全唔似契媽口中所講咁曵曵

直情非常good boy

大家一致認為威威擺明係比契媽砌生豬肉　

為左幫威威平反，一於要去擦番餐．

(失圖)

Ｅ個叫做'黑心西多士

(失圖)

雞翼薯條

(失圖)

肉絲炒麵

(失圖)

星洲炒米

(失圖)

食開有條路，唔爭在去埋B仔涼粉．

(失圖)

不過我地無食涼粉，反而食左碟豬腸粉．

(失圖)

2010年5月18日星期二

我有少少中意左佢

過著半退休義工生活的我，已經很久沒有參與領養日的活動，
原因是我本身較喜歡與領養者有多些接觸及了解，寧願給他們時間三思才作出決定，
害怕在匆匆幾小時的領養日，遇人不淑，把狗狗送給不適合的領養者，
誤了狗狗的一生．

但殘酷的現實是，每天有太多的被遺棄動物，'幸運' 的會被動物福利團體暫時收留，
再為他們另覓家庭，而驚人的被遺棄動物數量，
已經不再容許義工們作detail 的 rehome (i.e. 根本沒有時間作家訪)，
而領養日確實是'被遺棄動物' 及 '領養者' 配對的速成途徑．

今次到場幫手，其實是有點私心，因為義工早2天曾email 了西施女的照片給我
(其實是混北京女)，樣貌神態有點像妹頭，加上剛好朋友的朋友正打算養小狗，
在公在私下，驅使我去八一八．

一到場，我已經鎖定目標如我所料，小北京和妹頭真的有點相似．

初時小北京十分焦慮，對陌生環境很不自在我把她抱在懷中，
她便乖乖的依著我．　

她和無尾松鼠是對老友狗狗　　

(失圖)

在陌生的環境裡，互相依靠．

時間一分一秘地過去，期間都有不少領養者對小北京有興趣，
她很安靜乖巧，也很願意讓人抱抱，但有緣人始終還未出現，而小北京亦開始出現疲態，
當我想把她放在欄內休息時，她便會以略帶憂鬱的眼神望著我，令我不忍將她放下．

後來，有2位女孩子到場，傾談間知道其中1位曾收養過3隻流浪狗，
最後1隻在數月前去了彩虹橋，而她亦對小北京甚有好感，不斷為她拍照，逗她玩，
但因為她的家人未能前來，而她又不敢自作主張，所以只好乾著急，
怕小北京給別人看中，更怕小北京無人認養，要遣返狗場．

及後在她再三請求下，她的媽媽及弟弟終於趕來，auntie一見小北京便愛不惜手，
而小北京亦彷佛認定了這家人，依偎在auntie懷中，含情默默的望著她，
像聽懂她的每一句說話．

當小北京知道有家可歸後，成個樣都靚晒！

小北京：姐姐雖然只與你相處了短短一個下午，但我已經有少少愛上左你，
但愛並不等於要擁有，見到你找到幸福，才是我最大的欣慰，祝你及你新主人一家，
永遠健康快樂地生活在一起． *後記：小北京的主人Vicki 已為她寫了facebook，
昨天還post了她的新照片． “今朝VICKI姐姐一早起身比早餐我食,
不過我仲係好怕醜, 唔想離開我張床, 我等VICKI姐姐去O左TOIELT我先行出O黎食,
不過我仲有兩隻腳O既張床到, WAKAKA~”