龍精虎猛獅子會

印象中，農曆新年好少可落雨，但今年就由年廿九落到初四五．
趁住今日無咩雨水，趕快同肥丸去玩番轉．

新正頭適逢情人節，當然唔少得互相祝賀＆互派利是/禮物．

各位觀眾 -- 晒冷!!!

(失圖)

hea 左一輪，就開始行下家樂徑，舒展下筋骨．

一路由肥丸帶領

(失圖)

團友仔都好聽話，乖乖跟住肥丸行．

(失圖)

途中又會停下來研習

(失圖)

肥丸偶爾會行錯路

好在有媽咪提醒，我右手一指，佢就即時轉右．

回程一心諗住去嘆番個下午茶，晴天霹靂，今日竟然休息．

(失圖)

好在外賣即時送到　　

(失圖)

大家食到狼吞虎嚥

(失圖)

當狗狗耐心地等待的時候

(失圖)

布甸使出看家本領自己摷左包零食出黎

(失圖)

肥丸暗叫好身手

心想: 下次記得預埋我

兩位胖童亦好羨慕布甸一身好本領

(失圖)

為免布甸繼續摷，大家拿拿聲影幅合照．

就徹退走人

(失圖)

途中見到一對對聯

我而家完知 '出污添而不染'，下一句原來係 '濯清漣而不妖' ，
咁以後我妖妖聲，大家就唔好話我不雅喇．

步步高陞行山頂

媽咪真係大整蠱，10度唔夠竟然捉左我上山頂行大運．

大家睇下Ｂ頭一身既打扮就知有幾凍

(失圖)

著成咁睇到圓丸眼都突

好在肥丸向來有脂肪護體

肥丸：Ｂ頭快ｄ落地跑2跑就自然成身暖晒架喇．

於是大家乖乖行到小公園

此時，有人派米令肥丸眼望望．

點解B頭DD 2個為食精唔過黎呢?

原來佢地寒底，要趁機去行石春路，鍛鍊身體．

(失圖)

不過肥丸認為唔多work，最緊要係有脂肪保護身體，咁就唔怕凍o勒．

>o係小公園hea 完，大家就出發去廣場醫肚．

(失圖)

熱辣辣的奶茶/焗薯/天使麵以及pizza

(失圖)

(失圖)

(失圖)

(失圖)

巧遇瑪利亞伉儷，順便逗埋利是．

＜＜　祝大家闔府平安 身體健康　＞＞

恭喜發財迎新禧

以往的大年初一，我們吃過早飯後，便會到姨媽家拜年，
而其他表哥表姊和表姨甥們亦會相繼到達，小小的屋子裡，
聚了十多廿人，好不熱鬧．但09年中，姨媽因病去世，而老豆亦在年尾進出醫院，
情況時好時壞，令人擔心．所以今年的農曆新年和過往很不一樣．

已經很久很久沒有拍過全家福了，可能是因為老豆身體欠佳，

令大家更珍惜相聚的日子． 

 極難得的家庭合照

肥丸對利是無咩興趣，反而對個全盒情有獨鍾．

豐富的新春開年飯

(失圖)

飯後和肥丸到大潭逛逛

(失圖)

港人大都出門又或忙著到親友家拜年　

(失圖)

水塘格外冷清

(失圖)

連平時繁忙的燒烤場也空無一人

(失圖)

肥丸行得更自在

歡樂小姐

媽咪失意於東亞運o既禮儀小姐之後，依然鍥而不捨，憑住佢如瓜似肉o既氣質，
＋上精通得意法日俄語，因此被委以重任-- '歡樂小姐'．

(失圖)

但屋企全部都係放套裝，難登大雅之堂，要諗計同佢裝裝身先見得人．
好彩姨媽有個魔術小衣櫥，ｄ衫多到一打開櫃門就會自動碌落黎，咁岩碌左件看似高貴，
但有ｄ甩漏o既裙，只要再加番件毛毛外套遮一遮就可以出場o勒．

(失圖)

(失圖)

鞋都唔多對　臨時臨急走去買左對閃鞋

(失圖)

好一個孭'扒打'的 (由朋友仗義借出)

(失圖)

一切準備就緒，check 埋場地就ready o勒．

(失圖)

難得執到咁四正，影番張相記念下．

胖家開倉

繼甸媽早前趁布甸休養期間，爆左布甸糧倉派街坊後，
滔媽亦開倉震joy．

事發地點係胖童個衣帽間，而joy民就係: 身型fit 爆o既肥丸

講o野要有實力  絕不能係齋talk

fit 爆o既肥丸最岩著'F'碼  亦即係'fit'碼

(失圖)

  

e 幾件質地薄薄  可以留番天氣暖d 先著

(失圖)

(失圖)

(失圖)

(失圖)

e 兩件個pattern 好似女仔左d 咁bor 

(失圖)

(失圖)

橫紋代表細心             我最喜愛的和服, 留番去同櫻影相時著

(失圖)

(失圖)  

有幾件已經急不及待開左齋喇   等肥丸黎親自示範啦

性感小背心  露毛不露肉  

(失圖)

格子褲浪漫溫馨

(失圖)

紅色工人褲  配淺啡格子襯衫  school boy look
成個英童咁smart  難怪過路o既鬼妹仔都撩肥丸玩一餐
(失圖)

難得滔家兩位胖童身型漸漸棚脹，因此今次受惠o既joy 民唔點只肥丸一位，

仲有小雪．小雪身型同未發肉o既滔兒相若，因而盡得滔兒珍存．

真係仲 fit 過 tailor-made 

(失圖)

但傻雪望住成床衫衫　感到相當無奈

(失圖)

(失圖)

習慣又食又拎o既校長&歌后亦唔執輸，

拿拿聲o係地踎夜冷店執到件A貨咕筍回敬番比胖家．

(失圖)

(失圖)

禮尚往來，Ｅ間學校真係師資優良，教導有方．

一屋貓狗團年飯

今日相約於義工家中團年

預先在'十力' 訂的素盆菜

再到人龍店買了鹵水鴨，豆腐 和 大腸．

途經??興，又斬了半只雞加料（這裡的雙拼飯盒$12 ONLY!!!)．

吃飯其次，醉翁之意在義工家中的貓狗，難得小朋友嚴守家規，我們開餐時，
他們(除雪雪外)都乖乖地遠離飯檯．

飯後看BearBear 小時候的照片，十分可愛．

(失圖)

還記得在狗場的立腸潤腸嗎? 現在生活幸福並已瘦身成功．

(失圖)

咪嘈醒狗狗佢個大名之未就係叫 '狗狗' lor

(失圖)

熱情的忌簾在我們吃飯時表現冷靜，抵．

(失圖)

睇見雪雪個樣就知佢係'曵仔'一名

(失圖)

黑妹就最得人心，任摸任抱．

唔記得左肥貓個名，但見佢圓碌碌成隻招財貓一樣咁可愛．

今天在座的每一位，都是志同道合的義工朋友，他們默默地為無助的動物付出，
盡力為他們尋家，也身體力行為流浪貓狗絕育，減少無辜的生命誕生．
在我們吃得飽，穿得暖的同時，希望也能推己及人，
除了愛惜自家的貓狗外，亦要關心幫助無家的動物．

狗場話事人

近日諸事不順，繼老豆入廠後，亦有貓朋狗友相繼入院，
趁周末入狗場勞動勞動，洗擦身心的鬱悶．

如往常一樣，一入場就有無數狗狗高歌歡迎，
今天特別請場主小休，由我來做1天的狗場話事人．

首要任務是打掃狗舍 -- 即執屎洗太平地

 (很多blog友都喜歡在午飯時間光臨本blog，為免引起不安，恕不提供照片)．

然後是替各狗舍換上新鮮的飲用水，別以為工作輕鬆，拿著載滿水的水桶跑來跑去，

其實是頗廢力氣的工作．

於是乎，我就以手推車推著一大桶水輪流派發，省卻一點時間和人力．

換好水後，便到餵食的時間，今天加料，預先帶了手撕雞柳，還有烚蛋．

(失圖)

不要睇少這袋麵包皮，時運高才可以買到，它亦是狗狗喜愛的"斬料"

(失圖)

把所有材料溝入狗糧，還要加入一些罐頭，便是狗狗期待的一餐了．

(失圖)

派糧也頗講學問，要非常細心，有些狗狗需要特別照顧，
i.e. 要吃藥的便要把藥混合狗糧，然後留意他有否把藥丸吞下；有些咀嚼力弱的，
便要把狗糧略為浸軟；還有一些對食物特別著緊的狗狗，最好是單獨餵食．

(失圖)

狗狗開餐期間，便是場主的午飯時間，為省時方便，通常都是吃個麵包，
今天見我們造訪，便煮了有益飽肚的番薯糖水，不知是體力過份消耗，
還是糖水特別好味，我共喝了3大碗呢！

稍休後又繼續沒完沒了的工作，到狗舍收回糧兜，然後清洗．

之後便要 '耐心等待' 那些有 '飯後便便' 習慣的狗狗，然後再一次打掃，
跟著把收集得來的 '有機肥料' 運送到垃圾站．
幸好，這個工序需要由資深人士負責，我還未有資格去處理．

吃飽後，狗狗各有各忙，有些專心的在看雀．

有些尋夢去　

有些繼續嬉戲

這是我喜歡的 '單眼' 牠已經十多歲了，而且還有心臟病．

阿財曾被食肉蒼蠅折磨，幸得場主發現撿回一命．

有時我們會說: 去搵財仔，可別誤會我們向財務公司借貸．　

場內的狗狗容易滿足，沒有要求，我們每次到訪就足以令他們開心一整天，
總覺得曾被遺棄的動物更懂珍惜．
期望無家的貓狗都能找到愛惜他們的家，更期望大家能夠堅守對他們一生一世的承諾，
亦祝願患病的大小朋友能平安過渡，開心迎接新年新希望．