丸之部落: 7月 2009

2009年7月29日星期三

被遺棄已經不再是唐狗家貓的專利，
近年的待領排行鎊上，不乏名種貓狗．

幸運的，可以重獲新生，但幸運非必然．
希望大家在養寵物前，認真考慮清楚，因為這是一個二十年的承諾．

品種: 英國短毛貓
名字: 爽爽
年齡: 2歲
性別: 男 (已絕育)
為免爽爽再次示範危險動作，領養者家中必須安裝窗花．

(失圖)

爽爽性格乖巧，識去貓沙盆，可與其他貓狗相處．
但更喜歡與你傾計，亦懂得歡迎你回家．
暫養家庭已為爽爽絕育，打齊針及拔去2顆爛牙．
4 蹄踏雪的爽爽認真識嘆，大家睇見都爽!

(失圖)

o殊，爽爽訓左喇~

有興趣領養佢直接email 比我就得架喇，唔好嘈醒佢呀．

(失圖)

請留聯絡電話至 jcheung825@yahoo.com.hk

[領養者必須年滿21歲, 出示身份證及住址證明,
並接受家訪. 絕育，打針＆拔牙費用需由領養者負責。
（提供註冊獸醫診所單據作實）]

2009年7月23日星期四

肥丸食左藥成個星期，又係時候帶佢去覆診o勒．

肥丸以為有街去，點知原來係睇醫生，成個無晒心機．

突然發覺地下個袋有 d 怪異

究竟係乜東東呢?

(失圖)

原來係隻小約瑟，佢個名叫'豆卜'，今年3歲．
今日工人姐姐帶佢黎打針，工人姐姐話，

自從豆卜主人生左BB 後就唔再理豆卜，而家一切起居飲食都由工人姐姐照顧．

(失圖)

我地同比熊特別有緣，佢叫'比比'．

(失圖)

佢只係少少皮膚問題，好快就會好番架喇．

(失圖)

然後輪到肥丸喇，我將佢啪丸後o既豬頭照比醫生睇．

但醫生又話唔係藥物敏感，

果晚見到肥丸又紅又腫又癢，真係心痛屎我．　

我見好多狗狗通常食左1個星期藥後HCT不升反跌，

所以對今次驗血期望不大，

好在肥丸都好爭氣，一切正常番晒，連血小板都達標，

但紅血球仍然差0.7%先及格，所以仍需努力．

惟有繼續食藥，同埋盡量煮多D肉肉比佢食．

(失圖)

我會同肥丸會努力加油，一齊打贏 e 場仗．

希望下次驗血全部及格之餘，同時脫離 '蜱'情城市 !!!

2009年7月22日星期三

前星期的某一個下雨天，一件人形物體把一頭混種犬，
從老遠的新界帶到港島遺棄，可憐小狗在馬路旁慌張徘徊多個小時，
路人只報以同情的眼光，卻沒有一個願意伸出援手．
慶幸一對好心夫婦把小狗暫安置於寵物店，小狗已絕育並值有晶片，
據漁農署回覆，晶片的登記電話已停止服務．

'安安' 是小狗的新名字，希望能為牠帶來永久的安樂窩．

(失圖)

品種: 混種牧牛犬 (Cattle Dog Cross)
姓別: 男 (已絕育)
年齡: 約7歲

友善乖巧，喜歡親近人，可與小孩及其他狗狗相處．

(失圖)

安安的話：
縱使我被前主人遺棄，但我依然樂觀，對人類充滿信心，
我不會咀咒出賣我的人，我要活得比他好．

有興趣領養的朋友
請留聯絡電話至 jcheung825@yahoo.com.hk
[領養者必須年滿21歲, 出示身份證及住址證明, 並接受家訪. 謝謝。]

2009年7月8日星期三

多謝大家提醒，星期日已帶了圓圓去看醫生．

我見圓圓胃口不算太差，亦比影相那天精神多，
所以懷著輕鬆的心情去見醫生，就當是一般的體檢．

ｅ度係咩地方黎架？

都無o野食無o野玩o既？淨係有張狗狗o既年齡對算表，
最上果行係大型犬，跟住係小型犬，然係貓貓，
最底果行就=人類的年齡．

(失圖)

我地o係度等咩呀？　

(失圖)

咦～點解有人叫我個名o既？

我都唔識佢，我屎都唔會出黎架喇．

(失圖)

我聽你唔到，我聽你唔到, 我... 但最後都係逃唔出媽咪o既魔掌，
仲比醫生吉左一針添，不過我好叻仔，全程都無叫過．

(失圖)

驗血報告出來了，想不到肥Ｃ大隻的肥丸竟然貧血，
＋上他近日食慾不振，回想起早兩三天我亦察覺他體溫比平常高，
但在抹片檢查又看不到出了什麼問題．在種種疑團下，
醫生建議進一步作牛蜱熱病毒的檢測．

樣樣好都靚，只係紅血球＆血小板指數偏低

因為要send 出去lab test 醫生暫時只叫我食住d 肥仔糧先
仲要食2隻抗生素 & 1隻維他命

(失圖)

驗埋小便就更穩陣

(失圖)

媽咪順手買左2支3條毛比妹頭沖涼用

(失圖)

丸：媽咪，走得未呀？我好想快ｄ番屋企呀！

等了漫長的兩天，終於收到報告了．
晴天霹靂，圓圓竟然中了個Ｂ獎，6合彩又唔見咁易中．
幸運的是，尚算發現得早，痊癒的機會十分高．

而且正面去想，知道是牛蜱熱便可對症下藥，如果貧血的原因不明，
那就更束手無策，傷腦筋．

明天便再帶圓圓去看醫生，給他適當的治療．

大家不必擔心，這幾天肥丸的精神和胃口頗OK，
我煮了些鐵質較高的食物給他補充補充．
近日天氣炎熱，就當給校監一個暑假休養生息，暑假過後，
校監便會再次投入精彩的課外活動．到時再見！