幸運小唐B [已被領養]

<<一隻也不能留>>

6月2日唐狗女火腿意外誕下一胎唐B，狗主對突如其來的小生命束手無策，
四出向鄰居求助，可惜這些無人認領的小唐Ｂ每天都在誕生，
牠們的命運十分坎坷，只有極少數會被人領養，能活命的都只會在狗場渡過一生，
其他的就成為流浪狗，甚至遭人道毀滅，而我們亦已作了最壞的打算，
幸好meion從未放棄，盡力為牠們繼一找到新家庭．

小唐B 出生後第一天

出生後1星期

出生後3星期, 眼仔開左, 鼻仔亦變了黑色

6月27日，香港受颱風影響連日暴雨，碰巧火腿主人外遊，
小唐B差點被水沖去，幸好得meion男友及時發現，救回牠們的性命．

為免小B 著涼, 通通要扮作春卷一條

(失圖)

(失圖)

終於瞓醒喇

(失圖)

一瞓醒教就周圍搵o野食

(失圖)

好在早有準備

(失圖)

時間過得很快，小唐B已漸漸成長，是將牠們交到新主人手裡的時候了．

不知不覺, 小狗們已經7個星期大了, 而且各有性格, 各具特色

聽講 E隻花白仔最活躍 最多o野講 又大食 又扮識cute

小狗們臨別依依, 花白仔以goodbye kiss 向兄弟姐妹話別

(失圖)

6小福此後各奔前程

(失圖)

始終係第一次離開媽咪身邊, 花白仔不禁流下男兒淚

(失圖)

去新屋企之前先驗身及打預防針

今日，由我負責護送花白仔去新屋企o既重任,

陰公lor, 成晚掛住媽咪同班兄弟, 喊到成面淚痕.

車程好遠, 所以o係我身上瞓著左

佢腳底有粒大痣, 唔知第時係咪會有成班手下o既呢

經過 1個多小時的車程, 終於到達目的地 -- 花白仔的新家

花白仔好叻, 一到步就周圍視察環境

仲好醒目咁走去大哥大 '波仔' 面前 打個招呼先

玩得兩玩 就自己入籠抖抖

仲好快咁學識左用水樽飲水添

祝福火腿的小朋友能夠在幸福的家裡健康快樂地成長，但牠們只是很幸運的一少群，
雖然唐狗漸漸開始被人接納，但礙於牠們的體形，HK的居住條件，
HK人崇洋追求名牌的心態，唐B被領養的機會仍然很微，
但願幸運之神同樣眷顧那些未找到家的小朋友．

避免無辜的小生命繼續誕生，狗主應該立即帶飼養的貓狗到可靠的獸醫接受絕育手術．
絕育對對您的寵物有多方面的好處：可助貓狗活得更長壽、更健康。

動物接受絕育手術後，可避免患上各種性器官的疾病，子宮癌，卵巢癌，乳癌，
睪丸癌，前列腺癌，節省了狗主日後所需要支付昂貴的醫療費用。

而絕育亦是唯一有效減低流浪動物數量的方法外國許多國家早已實行
捕捉絕育釋放計劃，而成效亦有目共賭，不單可以控制狗隻數量，
政府每年可節省過百萬元的有關開支，亦能減少流浪狗隻對環境做成的滋擾，
促進人狗和諧健康，最重要是在愛護動物，尊重生命的前提下
有效地控制流浪狗數目保護遺棄動物協會的捕捉放回計劃 (TNR) : 

社區狗隻計劃 (CDP)

http://www.spca.org.hk/chi/welfare/cdp.html

犬訊 之 呃你唔落現象

<< 本報訊 >>

線人報料，百年難得一見，

連癲民台都預測唔到o既 '呃你唔落現象' 將會在HK出現，

本報特派'餓底'記者再次為大家作現場直擊報導．

由於此次行動危險性極高，大家先往拜祭5臟廟，祈求一切順利．

家長們召開緊急高峰會議商量策略

首先部署3款齋菜上場：干燒E麵，莧菜金銀閏及炒通菜

(失圖)

(失圖)

一陣要落水喎，邊個叫碟通菜咁大整蠱呀．

(失圖)

仲有海鮮湯麵

(失圖)

及最好味的豉椒雞球炒河

(失圖)

勁辣的星洲炒米

(失圖)

肉鬆蛋白炒飯都唔錯

(失圖)

行動前，招財貓為我們續一祈福．

(失圖)

當兩名家長往取車時，已出現一陣離奇怪風．

(失圖)

將用作掩護的小船吹走後

(失圖)

又再次吹到笠住家長個頭，好邪!

大家到達報稱將有'呃你唔落'出現的地點後, 便展開搜索

(失圖)

肥丸亦隨即四周視察, 前望望

後望望

3名餓底更駛出公海巡邏/span>

(失圖)

突然肥丸好似有所發現 ...

... '呃你唔落' 終於浦頭, 並在海中載浮載沉, 狀甚驚嚇

(失圖)

與此同時, 背景出現駭人的音響效果(雷聲), 有位家長疑因好事多為,

對雷聲特別敏感, 為免被劈中, 急急腳離開現場.

(失圖)

盡忠職守的肥丸, 留守都天都黑埋, 確保所有餓底安全切退才離開

雖然今次行動時間極短速, 但'有幸'見證了一次難得的天文現象, 

並且留下了深刻的回憶.

臨走前用新屎坑拍下'呃你唔落'的後遺症: 

i.e. 海有白浪 (由於新屎坑相片鬆郁懞, 所以借用大機的照片)

(失圖)

天昏地暗

(失圖)

狗狗行為失常

肚子發出警號 (導致無晒心機)

好在媽咪常備救急食物

(失圖)

(失圖)

後註:  '呃你唔落' 其實係地球先生，生病o既警號．

如果人類再繼續破壞大自然，

大肆污染，我們的生存環境將會越來越差，最後自吃惡果．

第3屆寵物及水族用品展

媽咪今日帶左我去雞場博覽會的寵物用品展, 不過今年似乎比上年遜色,
收獲亦比上年少好多, 行左一陣媽咪已經肚餓,
好在巧遇dorothy 姐姐,

佢竟然帶左食物請我地食

戰利品 (注意cookie 出現於右下角)
(失圖)

(失圖)

(失圖)

媽咪當然唔客氣.  好香呀, 本來瞌緊眼訓o既我, 都即時醒左.

coey 妹妹買左E 個潮爆o既pinky 假髮

(失圖)

既然無咩特別, 我地就早d 去dog cafe  坐下食下o野仲開心,
媽咪叫左3個小食&飲品(由於好口喝, 一喝而盡都唔記得影相添)

(失圖)

(失圖)

(失圖)

狗狗各有各玩, 我就霸左piglet 張床黎瞓

(失圖)

軟綿綿 真係好舒服呀
(失圖)

番到屋企, 媽咪將d 戰利品攤晒出黎展覽, 由cookie 哥哥負責看守 

(失圖)

肥丸古古惑惑咁zip 埋黎

(失圖)

(失圖)

終於比佢zip 位成功

(失圖)

cookie 哥哥即刻向媽咪報告

媽咪話: 'd o野未用住架!'    肥丸聽到後 即時無晒心機

餓底慶功宴

由於突瞓營空前成功，各餓底均獲得優異成績，家長們當然功不可沒，
為了表揚家長們的努力，我們又有藉口去大擦一餐喇．

我地開餐之前，當然要先餵飽班狗狗大帝，有雞肉南瓜棒 雞肉丸& 雞軟骨．
(失圖)
(失圖)

終於到我地喇，先黎一個白灼海生蝦，蝦真係大大隻好鮮味架 ．
(失圖)
再黎個海鮮湯(注意: 第一幅湯好多料，第二幅就已經得番d豆腐並且加左料)．
(失圖)
(失圖)

估唔到E碟上湯焗龍蝦E麵 將人性醜惡o既一面表露無遺.
(失圖)

班家長襯我搞緊部新屎坑，搶到差d連麵都無條淨．
(失圖)

搶緊龍蝦果時，伙記又擺碟咕嚕肉落黎，家長郁郁貢，搞到我連屎坑都渣唔穩.．
(失圖)

好在有位見義勇為o既家長留番碗E麵比我，使我頓感人間溫暖 ．
(失圖)

由於有左經驗，當伙記送上陳皮蒸鮑魚果時...
(失圖)

我立即笠左件, 並影左幅肥美靚相添.
(失圖)

3隻花蟹列隊  組成一碟花彫蒸海蟹
(失圖)

雖然開始有飽，但見到咁新鮮o既清蒸海上鮮，又點會忍口呢．
(失圖)

最後，當然唔少得炒菜 & 炒飯啦．
(失圖)
(失圖)

碟生果又係稍為慢左少少就搞成咁
(失圖)

席間，一名家長疑因情緒過份高漲而豪飲，並高唱80年代的勁歌金曲．
(失圖)

可惜鄰坐的toby<不大欣賞，引致神情呆滯 ．

肥丸亦一面無奈

而 bobo & 阿豆紛紛厘番入袋，保你大．

(失圖)

後註：為嘉許各餓底今日表現出色，每位均可獲得蛋卷吉盒一個，
請於奧運開幕前向媽領取 (逾期作廢)．

(失圖)

餓底瞓練營

媽咪為左栽培我成為一個智勇雙全o既幹探，
今日為我安排去參加一個好嚴格o既'餓底瞓練營'．

為左掩飾今次行程，我地由一個好高貴o既地方出發，以去船河為名，
實質係去接受突瞓．

(失圖)

家長帶同餓底隊員繼一登船
(點解e幅相咁朦o既唔通e次突瞓真係要咁保密）

ｄ家長以為去渡假, 高舉手勢, 實質去接受地獄式特瞓都未知

(失圖)

上左船大家坐定定影番張靚相先

toby & coey 而家就嘆, 一陣去到瞓練基地佢地就知味道
(失圖)

阿豆嫣然一笑, 但媽咪話梗係覺得佢男著女裝
(失圖)

話都未講完,  第一項考驗已經開始, 就係要睇下大家適唔適應o係海浪中進行緝私行動
(注意: 有位家長慣性死渣住欄杆唔放)

媽咪好勇敢, 佢抱住我吹到頭都甩, 依然笑得出.

其他家長都有笑, 不過係嚇到傻笑 .

好快就到左突瞓基地

E度表面係一間普通o既渡假屋,  其實係我地進行突瞓o既地方, 

即係話你可以突然隨時瞓著教都無問題, 無人會嘈醒你架

(失圖)

肥丸初到步就已經有個大吉大利o既好兆頭

抖順條氣就開始練跑, 9秒9都唔洗就已經跑到鏡頭前 PASS~ 

然後練習徒手游水, 肥丸而家已經好叻仔, 完全唔使媽咪托住肚腩仔.

仲差少少就到岸喇

終於成功搶灘   又PASS~

肥丸另一項絕招 -- 千斤墜  

睇下E位家長青筋都現埋就知肥丸o既厲害.

其他餓底都有佢地o既絕招架 - 阿豆學練突擊偷襲 

(失圖)

睇下, 稍不留神, 真係褲都比佢抓甩架女.

(失圖)

toby 就學拯溺, 將阿woo 拖番上岸, 

不過最後佢比媽咪整唔見左條狗繩

(失圖)

coey條尾值入左胃精導航系統, 可以追蹤壞人, 

亦可收看高清匪趣台, 一舉兩得

(失圖)

& 仔仔練習遇到壞人時  就夾住唔放o既技巧 

女

危急關頭, 有時難免要使出美人計  ...

但可惜coey揀錯對象, 肥丸不單唔落搭, 仲惡番佢轉頭添    FAIL~

coey 自信心受嚴重打擊, 心中思念住 肥仔toby
(失圖)

E項獨木舟 係由高級導師示範  經長時間練習  大家千其咪o係屋企浴缸亂學
(失圖)

後註: 由於肥丸另一身份乃國家插水隊隊員, 為左o係08奧運奪取金牌,
一有時間就積極練習.   睇下佢個樣幾認真    O>n your mark...  ready...

jump...