雨中茶聚

本來的活動由於天雨關係而取消，但牙齒當金洗o既媽媽話：
'應承了小朋友要做的事決不可食言'．

所以今日我又有得出街玩喇

等我鴿下E度o既環境先 唔~ 地方乾淨整齊, 

仲有個靚女店主添, 認真唔錯.

坐得兩坐, 媽咪話有d 凍, 幫我著番條裙仔.

估唔到又同d 咕筍幾襯喎

同你地介紹下E度o既PR狗先, 佢叫piglet (豬豬), 佢好o爹架, 但佢前主人一d 都愛錫佢, 
仲因為疏忽照顧而令到佢隻手仔彎左, 真係慘慘.  好彩而家靚姐姐收養左佢, 仲好鍚佢添, 

姐姐話等piglet 2歲果時, 就會帶佢去做手術醫番好佢.
(失圖)

唔好講咁多住, 快D叫 o野食先.
E個係黑椒野菌意粉 + latte
(失圖)

仲有, 肉腸羅絲粉 + Espresso
(失圖)

充滿罪惡感o既西多士 & C華力腸薯條
(失圖)

本來仲有碟雞翼, 但未影已經比人食晒
(失圖)

當然唔少得我地份, E個係狗狗食o既: 南瓜雞絲羅C粉, 好好味架!
(失圖)

食飽之後, 媽咪就繼續同姨姨吹水, 而我同B頭就各自去揾周公.   

我同B頭好friend 架, 以前媽咪去旅行, 我就會去B頭屋企渡假架喇!  

不過而家媽咪要照顧cookie 哥哥, 所以唔再去旅行lu~

仲有訓到不省人事o既DiDe, 真係唔明點解佢會倦成咁.

(失圖)

同大家傾到E度先，希望天氣快d 穩定，咁我地就可以見番d狗狗朋友，

一齊再去戶外玩o勒．

黃昏悠閑下午茶

連續下了3個星期多的雨終於停了，難得太陽伯伯出來跟大家見面．

我們當然要好好把握機會帶狗狗出動，但太陽伯伯似乎過份落力，

連酷熱天氣警告也跑出來，我們只好選擇在黃昏才出發，

免得曬傷我們幼嫩的肌膚．

大家仲認唔認得E個小沙灘呀?

>今日去到D水退左, 媽咪帶我地去海邊行下, camila就咋嬌要佢媽媽抱

其實D水浸住肚仔好清涼架

仲有海風吹埋黎好舒服

(失圖)

連平時唔願郁o既我都跑番兩轉

媽咪仲讚我叻女添

(妹頭): camila, 你都落黎浸下腳仔啦  (camila):  果然好介紹, 

浸住腳仔真係涼爽好多.

今日見唔到B哥哥, 但認識左個新朋友, 佢叫做Fox.

玩倦左就番上沙灘休息下

(camila):  姨~ 妹頭, 你頭頂果個咩黎架?

(妹頭): 未係夏日潮爆之選  

上至80下至8歲都必備o既墨超lor

(camila):  so cool~ 可唔可以借比我戴一陣呀?

(妹頭): 媽咪話我聾聾地架, 我聽你唔到喎!

 (camila):  咪扮o野啦!

如是者, 本來兩個好朋友就為左副墨超就變左貼錯門神.

(妹頭): 咪咁小器啦, camila, 影合照啦, 快d 笑番啦.

(camila):  又好, 橫掂我唔戴墨超都一樣咁上鏡

(妹頭): 我地要o係媽咪面前扮乖女

(camila):  我唔使扮, 一向都咁乖女

點知影完幅大合照, 兩個就突然開片, 都話左靚女係難相處架啦.

(妹頭): 好彩最後媽咪霸番個位比我瞌番一陣.

(妹頭): 喂, 睇下我個影就知太陽就快落山, 好執o野走喇!

(妹頭): 點解訓極都仲咁倦o既

(妹頭): 我地走果時 其他人已經走晒  bye~ bye~ 喇, 下次再見.

暫別沙灘後，又到了我們醫肚的時間，雖然只是一碗平凡的餐蛋麵，
但每碗都加了兩條菜，就看出老闆做事夠細心．

簡單一碗加了菜的餐蛋麵, 感覺特別健康好吃.
(失圖)

本來已進入夢鄉的妹頭, 突然扎醒
(失圖)

兼4圍望
(失圖)

原來發現了Camila 媽咪精心炮製的菜肉丸
(失圖)

食飽之後又繼續尋夢去 連我們埋單走人都未醒

7月壽星曲奇仔

不知不覺cookie 已經陪伴了我11個寒暑，很多朋友對cookie的印象，
沒有對肥丸&妹頭般深刻，大概是因為牠較少'亮相'吧!

單是我的網誌，有關cookie的文章及圖片就只有翏翏數篇，

是我對牠偏心不夠好嗎?　

免得別人誤會你在炫耀，明白這個道理，就不難理解我較少提起cookie 的箇中原因．

cookie:  我年青果屎, 媽咪都經常帶我去玩架

我好中意離隊, 自己一個去歷險, 玩到倦就等媽咪黎揍番我.

次次都玩到鬼5馬6, 激屎媽咪 .

但都有威水o既時刻, 至叻仔果次就係贏左myQpet'我最喜愛狗狗照片'大賞o勒.

以前偶爾又會一家大細齊齊出動, 但而家已經成為絕響喇.

因為醫生叔叔話我年紀大, 唔可以再玩得太激, 

所以今年開始就謝絕所有應酬o勒

雖然見唔到我真身, 但睇番d相就知我有幾帥.
E 個係我上年o係 halloween party o既造型, 雜誌都登過架喇.

仲有媽咪帶我去影樓影o既絕妙靚相添

睇下我幾上鏡, 肥丸就git 都唔笑, 妹頭o係度瞌晒眼訓.
(失圖)

媽咪話 帶佢地去影相簡直係o徒$
(失圖)

好啦, 為左唔好令媽咪擔心, 我要修心養性, 得閑就o係屋企玩下玩具.

又或者同圓圓用默默含情o既眼神呃下零食咁 

而我最大o既興趣就係瞓,  所以媽咪買左好多寢宮比我. 

大家不妨欣賞下我美妙o既睡姿

小心!  E 舊肥枕頭會咬人架 

哎唷!  背脊好痕, 唔該幫我抓抓丫

扮毛毛虫訓地下都一樣咁舒服

同隔離床位o既妹頭1人1個軟綿綿o既攬枕 

仲有一封媽咪寫比我o係肉麻情信 

親愛的 cookie:

11年前的某天，我從朋友家中把你帶回家，亦同時把你帶進我的生命．

從未想過一隻只有5個月大的幼犬已經轉換了多次主人，原因並非你搗蛋鬧事，

而是人類貪新忘舊不負責任的後果．反之，你友善可愛，為我的平淡的生活添上色彩，

多謝你陪伴我渡過了11個年頭，縱使你的身體日漸走下坡，

但我仍然會樂觀地與你一起走好每一段路．

七月壽星Cookie

食飯去街無扭計   媽咪愛鍚佢一世   健康快樂一齊黎

cookie 仔11歲生日快樂!!!

地獄廚房 - 鮮奶蛋撻

材料：

(撻底) 低脂植物牛油 60 克 麵粉 125 克 雞蛋 1 隻 

(鮮奶蛋汁) 雞蛋 2 隻 狗奶 60 克 

做法：

1.) 預熱焗爐至 180度

2.) 將撻底材料搓成麵糰後, 放入雪櫃冷藏30分鐘, 取出分成小份

3.) 撻皮放入撻模中, 按成撻形, 用叉在撻皮打孔, 再放入冰格5分鐘

4.) 將鮮奶蛋汁拌勻放入撻模內

5.) 以 180度約 15-20分鐘至熟即成.

至冧飯局 (流浮山海鮮餐)

<< 天邊有朵花生雲, 地上人狗行好運>> 

(失圖)

E度同祖國只係一海之隔   對面就係深圳
(失圖)

去到碼頭, 賣蠔o既檔攤已經收檔, 惟有影番張背光大合照.


儀態萬千o既靚女們, 擺出丁字腳浦屎.

先黎一碟椒鹽賴尿蝦, 好鮮好香口, 個個食到唔停口
(失圖)

跟住係足料海鮮湯, 屈老闆送o既!
(失圖)

再黎一碟白灼九蝦 (原來要成百幾蚊斤, 好貴呀!)
(失圖)

賣飛佛 -- 酥炸生蠔 (可惜今日d 新鮮生蠔已經沽清, 我地買果筒唔多掂)
(失圖)

聖子 -- 亦係我o既心頭好, d 汁好味到連殼都要'損' 埋!
(失圖)

e 種叫蝴蝶蜆, 造型十分漂亮
(失圖)

但味道就一般左d
(失圖)

差d 漏左碟蝦醬炒通菜
(失圖)

估你唔到o既揚洲炒飯味道竟然唔錯
(失圖)

埋單每位$160 超值抵食  (海鮮$690 + 蠔$48; 另+酒家費用$640)
(失圖)

今日靚湯無join, 食飽飽就各自回家, 無左個魔鬼引誘我地去o也糖水.

黑雨中的船P

08年的第一個黑雨，打沉了我們端午節的首航，但船沉志不沉，
我們等到雨勢稍弱，便蜂擁而出，一於陸上行舟，船Ｐ照開．

一場世紀黑雨令港九很多地區都水浸, 但我們無懼風雨, 糭照食 P照開

Dorothy 帶來了dor媽親自炮製的雞腎及腸仔菠蘿，

而camila更帶來應節的糉子和大家分享，倍添幾分端午節的氣氛．

(失圖)

(失圖)

(妹頭):  咦~ 好香咁喎~ 

(camila):  等我搵搵d 香味 由邊度傳出黎先 

(失圖)

搵到喇~ d食物原來o係檯上面呀!

(失圖)

(涼粉): 有o野食? 我隨時ready!  

(失圖)

(布甸):  但我想shop 完ping 先食喎! 

(失圖)

(阿woo):  咪傻啦,  緊係食左先啦!

(失圖)

(bobo):  我著到咁靚, 唔會爭o野食咁失禮o既 

(失圖)

(阿B): 你條裙又真係幾靚bor~ o係邊買架?    (bobo): 正話o係E度買之馬!

(失圖)

大人食飽飽後，便到6月份的狗狗生日會，

>壽星仔女爭先與漂亮的生日蛋糕合照．

(失圖)

6月份的壽星仔女

(失圖)

(注意: 最尾果位壽星女coey 已經等到訓著左)

(失圖)

實質係coey 模擬船P 太投入, 搞到暈船浪

(失圖)

camila 早已換定飲衫 

(失圖)

同爹地媽咪影番張溫馨全家福

(失圖)

祝各位壽星仔女　身體健康　開心快樂

(失圖)

寶雲道毒狗事件簿之二

早前餓底小肥丸被派往寶雲道調查毒狗事件無功而還，為了早日破案，
今天再聯同傻探阿，肥沙展toby & 警花coey再次出動．

可惜幾位肥探員久未出更, 搞到肥C大隻, 行得兩行, 已經頂唔順要抖抖.

咁搞落去可能連餓底都無得撈, 不如練下行單槓,
話唔定o係北京奧運可以一鳴警人.

傻探阿woo 睇幾個字極都睇唔明

(失圖)

搞到頭耷耷一臉慚愧, 後悔當初無讀好書

(失圖)

小肥丸忠告狗友:  讀書多少唔緊要, 至緊要心地善良，

咁就會人見人愛o勒．

其實毒狗事件早在肥丸未出世已經屢次發生，但當局至今仍未捉到狂徒，

希望市民大眾能夠見義勇為，如發現有可疑人物請立即通知警方，

並在自身安全的情況下拍下疑犯的樣貌，以作證據，免再有無辜的狗狗受害．