D-Bay 由自行

同班朋友仔o係公園曬太陽真係 feel so GOOD ~

渡輪上

食飽好眼訓~

 野餐喇!

移民在即o既Austin

(失圖)

大合照, 背面就係吐露港 & 雄偉的八仙嶺!

JJ 

(失圖)

BoyBoy

(失圖)

Angel

(失圖)

BoBo

(失圖)

樂樂

(失圖)

Sheridan

(失圖)

媽咪好中意去D Bay, 每隔一段時間就會帶我地去行一次, 

而每次我地都會去探Bonny姐姐同佢o既狗狗.  我都記唔清楚Bonny姐姐有幾多隻狗, 

只係每次去探佢, 都有很多朋友仔o係佢屋企, 有斑點audi, 法虎kiki, 比高bobo, 西施樂樂, 

芝華華boyboy, 暫養o既sherdian 同 angel, 今次更有JJ, King Charles, 同一隻5個月o既唐狗sunny,
再+埋我, christopher, apricot, 真係非常熱鬧.

一落船bonny姐姐已經o係碼頭接我地, 然後同我地沿住海灘散步, 

當然仲有令我最興奮o既野餐啦, 你地唔好睇apricot斯斯文文, 原來佢係神偷黎架, 

果日佢吼準無人留意, 以極速0.9秒偷食左成片cheese, 大家當堂嚇呆左.  食飽飽之後, 

我地去再公園影相, 途中仲遇見小北京Austin, 佢係HKDRo既小狗, 

幾個月前被一個外籍家庭領養左, 而家過住幸福o既生活, 

佢o既家人會係今年年中帶埋佢番美國定居, 真係好令人羨慕呀!

玩左成個下午, 我又開始肚餓, 媽咪帶左我地去露天茶座嘆下午茶, 

期間有幾個好熱情o既太太小姐走埋黎, 又想抱又想攬, 但我並唔係一個濫交o既小朋友, 

所以媽咪就幫我拒絕左佢地.  玩飽食醉, 又到番屋企o既時間喇, o係回程o既船上, 

我已經不知不覺

後記:  探訪後一個月, bobo就離開左. Bobo係一隻被無良繁殖場遺棄o既狗狗, 

當bonny第一次見到bobo o既時候, 佢身體狀況好差, 而且仲要o係垃圾堆中找食物, 

後來更發現佢患有心絲虫, 好在遇到bonny, 

令佢o係晚年o既日子有機會享受被人愛錫o既滋味.

如果大家想養寵物o既話, 希望仔細想想, 困在寵物店show window裡的幼貓幼犬的父母, 

是活在人間煉獄, 受盡折磨, 當佢地再無利用價值的時候, 就逃不過被人遺棄街頭的命運.  

要繼續用金錢去助長無良繁殖商, 成為間接的幫凶, 還是要抵制這種無恥的行為, 

拒絕買賣生命, 令他們沒有市場而被淘汰, 希望大家仔細想想.

另一個真狗真事: http://www.myqpet.com/modules/newbb/viewtopic.php?viewmode=flat&topic_id=3885&forum=1

金豬賀歲BBQ

日期:  2月25日(年初八)

天氣:  超晴朗

大合照, 背面就係吐露港 & 雄偉的八仙嶺!

(失圖)

隻乳豬仔燒果時已經香噴噴, 燒好仲不得了, 上檯一陣就已經被掃光!

(失圖)

果邊好香喎, 柔柔跑快兩步啦!

(失圖)

名為'7星伴月' o既狗狗新年美食 (中間果個係全盒黎架)

(失圖)

星期六整天的天色都灰灰暗暗, 傍晚更開始下著毛毛雨, 

不禁令我擔心星期日的天氣是否容許活動如期舉行. 幸而, 當我早上醒來, 

看到天邊有一線陽光, 地上亦沒有濕滑, 一切疑慮都掃走, 於是趕緊收拾行裝, 

準備出發. 因為仍然是新春的關係, 有些小狗穿上了賀年的新衣, 精叻醒目, 

加上陽光普照下的吐露港, 風景明媚, 拍起照來份外漂亮, 謀殺狗主們不少電源(大家都用DC, 

不能再寫'謀殺菲林'了).  我們一邊燒烤, 一邊遠眺雄偉的八仙嶺, 美景盡收眼簾, 

在如此美景下, 難怪我比平常BBQ時吃得特別多.

不得不提的是uncle(茄菲公公)為我們精心炮製脆皮燒乳豬, 

務求燒出美味的乳豬, uncle對整個製作過程都十分嚴謹, 燒烤時陣陣肉香, 

已經令我們虎視眈眈

 當燒好那一刻, 大家都不急及待搶先要品嘗, 果真肉香皮脆, 連在草地上奔跑的小狗嗅到肉香, 都從老遠跑回來分一杯羹.吃過脆皮乳豬後, 便差不多是回家的時間了, 

我們帶著意猶未盡的心情 及 疲憊不堪的小狗踏上歸途.

 *是次活動, 因計算失誤  預訂過多食物, 沒有餘款.

基斯杜化 與 卓別靈

等待領養時的 chris (右) 終日悶悶不樂, 現在的 chris 每天都開心過日, 難怪識笑.

名字: 基斯杜化 (Christopher)

品種: 混種西施

年齡:  8-9歲

當初答應暫養chris 的時候, 實在有點壓力, 原因是本已應承了幫忙照顧將要出國朋友的小狗,
如果再照顧chris的話, 可真有點吃力. 而使我最猶豫的是因為chris是隻失明的小狗,
我生平最討厭那些反悔承諾的人, 所以在我應承他人前, 必先認真考慮自己的能力,
以免累人累狗.  最後因為得到朋友jessie的支持, 她仗義應承如果我有需要的話,
她可幫忙照顧我的妹頭, 那麼我就放膽接受這個 mission impossible. 

初次與chris見面, 他頗為緊張, 但當時我已決定嘗試去照顧他.
他在我家的第一晚大家都很不好過, 他整晚都沒有睡, 只要外面有一點聲音, 他便吠叫,
我要多次起床安慰他, 使他冷靜下來; 第二朝跟他散步後, 他的情緒似乎已有改善,
而我發覺他雖然看不到, 但他的感應良好, 從來沒有跌撞的情況出現,
跟視力正常的小狗相差無異, 只是當我仔細觀察才會發現他可能只看到一些影和光,
猶其晚上帶他散步, 他對經過的車子特別敏感, 經過數天的相處後,
chris已經頗適應我家的生活, 他會咬著玩具歡迎我回家,
又會識趣地與我家惡爺(圓圓) 保持距離.

在假期裡, 我盡量帶他出外, 而他亦很享受到處遊玩, 認識新的朋友.
現在chris 已被一個外藉家庭領養, 他們對他有如子女一樣, 每天帶他散步,
給他最好的生活.  但願每隻等待領養的小狗都可以像Chris 一樣,
找到永遠珍惜愛護他的好主人.

一面稚氣的小卓, 既可愛又友善, 你願意照顧他一生一世嗎?

名字: 卓別靈 (Chambelain)

品種: 北京犬

年齡:  3歲

Chambelain 的前主人在離港前所託非人, 把他交託到一個完全沒有責任感的人手裡,
而那人更狠心把Chambelain送到漁農署, 讓無知的他默默地等待著死神的降臨.
幸而小卓命不該絕, 義工要把他從死神手中奪回來, 但因為在惡劣的環境下獃了兩個星期,
當義工救出小卓時, 他身體的情況並不樂觀, 經過留院多天, 小卓已經漸漸康復,
並可以出院, 但如果把他帶回狗房, 又怕弱小的他再次染病, 在無資源, 無人手的情況下,
我再次’臨危受命’, 把小卓帶回家暫時照顧.

當晚, 我在小卓的身上捉到10多隻牛蜱, 而且他也顯得頗疲倦,
我趕快替他沖洗及讓他吃過晚餐, 便讓他安睡.  第二朝, 小卓好像已認得我這個米飯班主,
主動前來向我請個早安, 而且他昨夜更在報紙上解決了大小便,
使我少了一個教他上廁所的顧慮.

由於小卓有輕微貧血, 當我和義工帶他去覆診時, 貧血的情況已有改善,
但醫生說他的盆骨有問題, 待他的身體強壯後, 需要為他做一次盆骨的手術.
眼看著一臉稚氣的他, 要接受上天一次又一次的考驗, 真的很無奈,
但我深信小卓有大家的支持, 他必可以勇敢面對將來的考驗.

後記: chambelain 已被領養, 亦已完成所有手術, 祝福牠永遠健康快樂.

Christopher 與Chambelain同是HKDR (Hong Kong Dog Rescue) 在狗房裡拯救出來的小狗,
縱使他們有疾病, 有缺憾, HKDR仍不遺餘力把牠們救治, 並盡力為他們尋找適當的領養家庭, 但小狗們在待領期間所需的生活費及醫療開支, 對HKDR是個極大的負擔.
你可願意為這些等待幫助的小狗略盡綿力? 只要少少的一封利是錢, 便可以為他們送上祝福, 
送上溫暖.

捐贈善款方法:

1) 將劃線支票郵寄至 香港仔深灣道8號, 支票抬頭: Hong Kong Dog Rescue

2) 直接存入匯豐銀行戶口 502-423825-001

Website:  www.hongkongdogrescue.com

南丫島遊記

e 度就係'3支香'發電廠o勒, 媽咪好肉緊咁抱住我.

e 種船就叫做'街渡', 我o係西貢搭過架喇.  

一落船就會見到漁排, 果度有好多魚... 令我聯想到食海鮮

e 個係有機農莊, 入面有好多可愛o既兔兔, 

媽咪叫左杯綠薄荷, 要焗3分鐘先飲得, 好口喝呀我!

(失圖)

日期:  2月10日(星期六)

天氣:  陰天; 間中有陽光

講起黎我都有一排無同媽咪去玩, 今日一見到媽咪開始執我個狗袋就知道有街街去. 

今次o既目的地係南丫島, 雖然我已經去過好多次, 不過每次媽咪都會帶d驚喜比我架, 

好似今次我地坐o既船係中式街渡, 好特別好有風味架. 到左索古灣之後, 

一向有購物狂o既姨媽竟然買手信都買到唔停手, 因為果度有幾隻舵地狗狗.

, 所以姨媽買野果時我厘埋左, 搞到媽咪以為唔見左我添.

 之後我地一邊行一邊影左好多靚相, 仲見到香港最大o既魚排, 同埋’三枝香’發電廠, 

行到山頂之後, 我地就o係涼亭度休息, 嘆下海風, 真係好捨意, 好舒服架.

休息完之後, 我地又再起程, 去到一個有機種植園, 仲入去嘆左杯花茶添, 

果度有幾隻好可愛o既兔仔, 但媽咪唔比我同佢地玩呀, 我惟有乖乖咁坐低啦.  

跟住姨媽接到個電話, 原來係姨丈打黎, 佢同公公已經到左榕樹灣, 

所以我地又要趕快繼續向榕樹灣出發.

去到一家海鮮酒家, 姨丈已經o係果度等緊, 雖然佢地叫左好多o野食, 不過全部都無我份, 

好彩媽咪偷偷地比左少少雞肉我止口水. 點知食食下我嗅到一陣味, 你地知啦, 

我o既嗅覺好靈敏架馬, 抬頭一看, 原來後面有火警發生, 

不過酒家o既人叫我地唔使驚繼續食, 

之後就見到一架一架小型救火車駛過, 媽咪仲拋低我走去同d救火車影相, 

佢話e d 情況難得一見喎!

食飽飽後, 我唔願再郁, 媽咪惟有好努力咁咩著我行街街, 不過最後佢都係頂唔順, 

要提早一班船番屋企, 因為我實在太重喇!   新o既一年, 我o既願望係減2kg, 

咁媽咪帶我出街就唔使咁辛苦喇.